संक्रांतीचा सण साजरा करताना आरोग्याची काळजी घ्या - छगन भुजबळ | Makar Sankranti festival | Sakal
sakal

बोलून बातमी शोधा

chhagan bhujbal

संक्रांतीचा सण साजरा करताना आरोग्याची काळजी घ्या - छगन भुजबळ

नाशिक : मकर संक्रांतीचा (Makar Sankrant) सण साजरा करताना नागरिकांना आरोग्याची काळजी घेण्याचे आवाहन राज्याचे अन्न, नागरी पुरवठा व ग्राहक संरक्षण मंत्री तथा नाशिक जिल्ह्याचे पालकमंत्री छगन भुजबळ (Chhagan Bhujbal) यांनी केले आहे.

पारंपरिक मांजाचा वापर करा - भुजबळ

मकर संक्रांतीच्या राज्यातील नागरिकांना शुभेच्छा देताना मंत्री छगन भुजबळ म्हणाले की, मकर संक्रांतीचा सण म्हटल्यावर अनेक नागरिक मोठ्या उत्साहाने पतंग उडवत असतात मात्र आपला सण साजरा करताना इतर कोणालाही इजा होणार नाही याची काळजी आपण सर्वांनी घेतली पाहिजे. पतंग उडवताना मोठ्या प्रमाणावर नायलॉन मांजाचा (Nylon manja) वापर तरुणांकडून होत असतो नायलॉन मांजामुळे पशुपक्ष्यांना तसेच मानवी जीविताला देखील धोका असल्याने नायलॉन मांजा न वापरता पारंपरिक मांजा वापरून उत्सव साजरा करावा असे आवाहन सुद्धा त्यांनी केले आहे.

हेही वाचा: Omicron बाबत आरोग्य मंत्रालयाकडून रणनीतीत बदल

संक्रांतीचा सण संपूर्ण राज्यभरात उत्साहात साजरा होत असतो, मात्र देशभरात कोरोना संकटाने पुन्हा एकदा डोके वर काढले आहे. त्यामुळे सण साजरे करत असतानाच आपल्या आरोग्याची काळजी देखील आपण घ्यायला हवी. गरज नसल्यास घराबाहेर जाणे टाळा, मास्कचा वापर करा, हाथ स्वछ धुवा, सॅनिटायझरचा वापर करा आणि सर्वात महत्वाचे म्हणजे सर्वांनी लसीकरण करून घ्यावे असे आवाहन देखील त्यांनी यानिमित्ताने केले आहे.

हेही वाचा: पतंग उडविताना सावधान!

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top