नाशिक- देवळाली शिवारातील सर्व्हे क्रमांक २९५/१ मधील टीडीआर घोटाळ्याची चौकशी सुरू झाली असून, या प्रकरणाशी संबंधित चौघांना समितीतर्फे नोटीस बजावण्यात आली असून, त्यांना त्यांची बाजू मांडण्यास सांगण्यात आले आहे. .देवळाली शिवारात सर्व्हे क्रमांक २९५ या भूखंडावर उद्याने, शाळा व अठरा मीटर रुंदीच्या डीपी रस्त्याचे आरक्षण टाकले होते. भूसंपादन करताना देवळालीच्या आरक्षीत जागेच्या मोबदल्यात महापालिकेने संबंधित जागा मालकांना जागेचा सरकारी बाजारभाव साडेसहा हजार रुपये प्रति चौरस मीटर असताना टीडीआर देताना मात्र २५ हजार १०० रुपये प्रति चौरस मीटर दराने टीडीआर प्रमाणपत्र दिले. .म्हणजेच सरकारी बाजार भावापेक्षा जास्त दराने टीडीआर प्रमाणपत्र दिले. जादा दराने टीडीआर प्रमाणपत्र दिल्याने शासनाचे व महापालिकेचे आर्थिक नुकसान झाल्या संदर्भात यासंदर्भात विधानपरिषद अध्यक्ष प्रा. राम शिंदे यांच्याकडे प्राप्त झालेल्या तक्रारीनुसार बैठक बोलाविण्यात आली होती. त्या अनुषंगाने २६ जूनला बैठक झाली. .Education News : एमआयडीसी भरतीसाठी १० जुलैला लेखी परीक्षा; नाशिकमध्ये ९ केंद्रे निश्चित.त्यानुसार सभापती प्रा. शिंदे यांनी महापालिका आयुक्तांसह नोंदणी महानिरीक्षक, मुद्रांक नियंत्रक, जिल्हाधिकारी यांनी घोटाळ्याची चौकशी करून पंधरा दिवसात अहवाल सादर करण्याच्या सूचना दिल्या. त्याअनुषंगाने समितीच्या अध्यक्षा तथा भूसंपादन शाखेच्या उपजिल्हाधिकारी शुभांगी भारदे यांनी कन्हय्यालाल चेतनदास मनवानी, विराज विलास शाह, दिनेश कन्हय्यालाल मनवानी, स्नेहा करण शाह यांना नोटीस बजावली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
