नाशिक/कळवण : देवळा रस्त्यावरील नवीन न्यायालयासमोर असलेले किसान ट्रेडर्स दुकान फोडून चोरट्यांनी एक लाख ५५ हजारांचे कांदा बी व रोकड असा एक लाख ६० हजारांचा मुद्देमाल लंपास केला. अतुल रौंदळ यांच्या तक्रारीवरून याप्रकरणी गुन्हा दाखल झाला.
बुधवारी (ता. ७) रात्री चोरट्यांनी किसान ट्रेडर्स या दुकानाचा मागील बाजूचा पत्रा कापून आत प्रवेश करत प्रशांत कंपनीचे ३० किलो, तर मालाव कंपनीचे पाच किलो कांदा बी असे सुमारे एक लाख ५५ हजारांचे कांदा बी, तर ड्रॉव्हरमधील पाच हजारांची रोकड, असा सुमारे एक लाख ६० हजारांचा माल लांबविला. गुरुवारी (ता. ८) सकाळी अतुल रौंदळ यांनी नेहमीप्रमाणे दुकान उघडले असता चोरीची घटना झाल्याचे त्यांना समजले. त्यांनी तातडीने पोलिस ठाण्यात तक्रार दाखल केली. घटनेनंतर श्वान पथकास पाचारण करण्यात आले. श्वानाने कळवण मुख्य रस्त्यापयर्यंत माग दाखविला. कळवण तालुक्यात कळवण खुर्द, शिरसमणी येथेही यापूर्वी अशाच प्रकारच्या चोऱ्या झाल्या आहेत.
बुधवारी दुपारी दीडला दोन ते तीन व्यक्तींनी कांदा बीबाबत चौकशी केली. त्याचा पेहराव व हावभावावरून ते संशयित वाटत होते. त्या व्यक्ती समोर आल्यास त्यांना नक्की ओळखेल.
- अतुल रौंदळ, संचालक, किसान ट्रेडर्स
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
