Nashik News : चक्‍कर येऊन पडल्‍याने दोघांचा मृत्‍यू

नाशिक : अचानक चक्‍कर आल्‍याने कोलमडून पडलेल्‍या दोन रुग्‍णांचा मृत्‍यू झाल्‍याचे समोर आले आहे. गुरूवारी (ता. २९) सातपूर आणि भद्रकाली परिसरात घडलेल्‍या वेगवेगळ्या घटनांमध्ये दोघांचा मृत्‍यू झाल्‍याची नोंद घेण्यात आली आहे. (Two died due to dizziness Nashik News)

हेही वाचा : जोखमीचे भान राखूनच करा SIP मध्ये गुंतवणूक

गुरूवारी सायंकाळच्‍या सुमारास म्‍हसरूळ भागातील अशोककुमार मोतीलाल महाजन (वय ६९) हे जीपीओ परिसरातील रस्‍त्‍यावरुन पायी जात होते. त्‍यांना अचानक चक्‍कर आल्‍याने ते रस्‍त्‍यावर कोसळले. कुटुंबातील सदस्‍यांनी त्‍यांना नजीकच्‍या खासगी रुग्‍णालयात दाखल केले असता, डॉ. कुणाल पाटील यांनी त्यांना तपासून मृत घोषीत केले.

याबाबत भद्रकाली पोलिस ठाण्यात अकस्‍मित मृत्‍यूची नोंद झाली आहे. दुसऱ्या घटनेत गणेशनगर येथील अजय मनोहर खोचे (वय ४९) हे गुरूवारी घरात अचानक चक्कर येऊन पडले. त्यांना बेशुद्ध अवस्‍थेत जिल्हा रूग्णालयात दाखल केले असता डॉक्‍टरांनी तपासून मृत घोषीत केले. सातपूर पोलिस ठाण्यात अकस्‍मित मृत्‍यूची नोंद झाली आहे.