Nashik Missing Case: दोन अल्पवयीन मुली बेपत्ता

सातपूर : अंबड औद्योगीक वसाहतीत वेगवेगळ्या भागातील दोन अल्पवयीन मुली रविवार (ता. ३) पासून बेपत्ता आहेत. त्यांचे कोणी तरी अपहरण केल्याचा अंदाज कुटुंबीयांनी वर्तविल्याने अंबड पोलिस ठाण्यात अपहरणाचे गुन्हे दाखल करण्यात आले आहेत. (Two minor girls missing from satpur Nashik)

पोलिसांनी दिलेल्या माहितीनुसार चुंचाळे आणि अंबड लिंक रोड भागात राहणाऱ्या दोन अल्पवयीन मुली रविवारपासून बेपत्ता आहेत. घरात काही एक न सांगता त्या निघून गेल्या असून त्यांना कोणी तरी कसले तरी आमिष दाखवून पळवून नेल्याचा अंदाज कुटुंबीयांनी वर्तविला आहे.

याबाबत अपहरणाचे वेगवेगळे गुन्हे दाखल करण्यात आले असून अधिक तपास हवालदार चव्हाण व सहाय्यक निरीक्षक मुगले करीत आहेत.