Nashik Crime News : आर्थिक फसवणूक करून महिलेला मारहाण

नाशिक : आर्थिक व्यवहारातून दुचाकीस्वार तरुणीस भररस्त्यात बेदम मारहाण करीत एकाने विनयभंग केल्याचा प्रकार वडाळा नाका परिसरात उघडकीस आला. पैशांची मागणी केल्याने संतप्त संशयिताने हे कृत्य केले असून, या प्रकरणी मुंबई नाका पोलिस ठाण्यात विनयभंगासह विविध कलमान्वये गुन्हा दाखल करण्यात आला आहे. (Woman beaten by financial fraud Nashik Crime News)

हेही वाचा : मेडिकल मॅनेजमेंटही हृदयविकारावर ठरु शकते उपाय

अजहर रशीद खान (रा.वडाळा नाका, द्वारका) असे संशयिताचे नाव आहे. तरुणी व संशयित एकमेकांचे परिचित असून, त्यांच्यात आर्थिक व्यवहार आहेत. बुधवारी (ता. १८) रात्री युवती खोडेनगर भागात दुचाकीवरून जात असताना तिला अजहर खान दिसला.

त्यामुळे तिने गाडी रस्त्यावर थांबवून त्याच्याकडे हात उसनवार दिलेल्या पैशांची मागणी केली. भररस्त्यात पैशांची मागणी केल्याने संतप्त अजहर खाने याने तरुणीस शिवीगाळ व मारहाण करीत विनयभंग केला. अचानक संशयिताने हल्ला चढविल्याने भेदरलेल्या तरुणीने आरडाओरड केली असता संशयिताने पळून गेला.