ह्रदयद्रावक! एका रात्रीत सतीशच्या निर्णयाने सोन्याचा संसार उध्वस्त; आठवणी सोडून सारं काही संपल

नाशिक / नगरसूल : २५ वर्षांचा सतीश त्याची पत्नी व दीड वर्षाचा लहान मुलगा असे सुखी कुटुंब होते. पण कोण जाणे त्यांच्या संसाराला कोणाची नजर लागली आणि सारं काही उध्वस्त झाले. सतीशने एका रात्रीत घेतलेल्या त्या निर्णयाने सर्वच संपलं होतं. काय घडले वाचा..

त्या निर्णयाने सर्वच संपलं होतं

नगरसूल येथील आदिवासी चौफुली वस्तीवरील सतीश संजय ठाकरे (२५), त्याची पत्नी व दीड वर्षाचा लहान मुलगा शनिवारी रात्री घरात झोपले होते. मात्र पहाटे सतीशच्या पत्नीला जाग आली तेव्हा सतीशने घराच्या छताला दोरीच्या साहाय्याने गळफास घेतल्याचे तिच्या निदर्शनास आले. तिने आरडाओरड करून आजूबाजूला असणाऱ्या रहिवाशांना माहिती दिली. रहिवाशांनी तत्काळ दोरी काढून सतीशला रुग्णालयात दाखल केले.मात्र डॉक्टरांनी मृत घोषित केले. आत्महत्येचे कारण समजू शकले नाही. नगरसूल पोलिसांनी घटनेची नोंद केली.

हेही वाचा >  ब्रेकिंग : रस्त्यावर प्रसुती झालेल्या बाळंतीण महिलेवर डॉक्टरचा दबाव; "महिला रुग्ण व डॉक्टर" मधील वादग्रस्त संभाषणाचा VIDEO व्हायरल

परिसरात शोककळा

या युवकाने राहत्या घरात गळफास घेऊन आत्महत्या केल्याची घटना रविवारी (दि. ६) सकाळी उघडकीस आली. या घटनेने कुटुंबीय व गावात शोककळा पसरली आहे.

हेही वाचा > गोणीतून चिमुरड्याचा आवाज येताच ते थबकले...अमानवीय घटनेने नागरिकांत संताप