VidhanSabha 2019 : आधी भाजप प्रवेश; नंतर ढिकलेंचा उमेदवारी अर्ज दाखल

नाशिक : भाजपने विधानसभा निवडणुकीसाठी चौथी यादी जाहीर केली असून नाशिक पूर्वमधून मनसेचे प्रदेश उपाध्यक्ष राहुल ढिकले यांना भाजपने उमेदवारी दिली आहे. त्यामुळे मनसेला धक्का बसला आहे . राहुल ढिकले हे माजी खासदार उत्तमराव ढिकले यांचे पुत्र असून त्यांनी आज (ता.४) भाजपमध्ये प्रवेश केला. राहुल ढिकले भाजप कार्यलयात उपस्थित असताना महापौर रंजना भानसी, उपमहापौर प्रथमेश गीते देखील उपस्थित होते. भाजप प्रवेशानंतर राहुल ढिकले हे नाशिक पूर्वमधून आपला उमेदवारी अर्ज दाखल केला. यावेळी ढिकलेंना  पाठिंबा दर्शविण्यासाठी समर्थकांची गर्दी पाहायला मिळाली. ऐन निवडणुकीत प्रदेश उपाध्यक्षाने पक्ष सोडल्याने नाशिकमध्ये मनसेची डोकेदुखी वाढली आहे.