Yatrotsav : साडेसाती मुक्तीपीठ शनिमांडळ येथे शनी अमावस्या यात्रोत्सवात भाविकांच्या रांगा

शनिमांडळ (जि. नंदुरबार) : साडेसाती मुक्तीपीठ म्हणून भाविकांचे श्रद्धास्थान असलेल्या शनिमांडळ येथे शनी अमावस्येनिमित्त यात्रोत्सव मोठ्या उत्साहात होत असून हजारो भाविकांनी पहाटेपासून शनिदेवाचे दर्शनासाठी रांगा लावल्या होत्या. (Shanimandal shani amavasya yatrotsav started with high number of devotee nandurbar news)

साडेसाती पासून मुक्तता मिळावी यासाठी भाविक हजारोच्या संख्येने क्षणी मंडळ येथे शनिवारी येणाऱ्या अमावस्येला म्हणजेच शनी अमावस्येला दर्शनासाठी येत असतात. भारतात शनि देवाची अनेक मंदिरे आहेत पण ती शनी मंदिरे शक्तीपीठ म्हणून ओळखले जातात.

मात्र शनिमांडळ येथील शनी मंदिर हे साडेसाती मुक्तीपीठ म्हणून प्रचलित आहे, येथे महिलांना थेट शनि देवाच्या मूर्ती पर्यंत प्रवेश दिला जातो. ग्रामस्थांतर्फे महाप्रसादाचे आयोजन केले जाते. यात्रेकरूंना मार्गदर्शन करण्याबरोबर आणि व्यवस्थेसाठी गावातील लोक मंडळांचे सहकार्य आहे.

हेही वाचा : मेडिकल मॅनेजमेंटही हृदयविकारावर ठरु शकते उपाय

सकाळी पाच ते रात्री उशिरापर्यंत हे युवक कार्यरत होते. यात्रेनिमित्त तेल नारळ उडीद यासह पूजेच्या वस्तूंचे मोठ्या प्रमाणात विक्री झाले. अन्य वस्तूंचे दुकाने थाटले गेले. ग्रामपंचायत प्रशासन व विश्वस्त मंडळातर्फे शनी अमावस्येनिमित्त येणाऱ्या भाविकांचे गाडी पार्किंग पासून तर थेट दर्शनापर्यंतची सगळी व्यवस्था चोख केली होती.