Unseasonal Rain : मालपूर परिसरात पावसाची हजेरी; शेतकऱ्यांची तारांबळ

दोंडाईचा : मालपूर (ता. शिंदखेडा) भागात सोमवारी (ता. १३) सायंकाळी आठच्या सुमारास अवकाळी पावसाने (Rain) हजेरी लावली. (unseasonal rain damaged rabi crop doindaicha dhule news)

सुसाट वाहणाऱ्या वाऱ्यासह विजांचा कडकडाट व ढगांचा गडगडाट सुरू झाला. त्यामुळे शेतकऱ्यांची प्रचंड तारांबळ उडाली. तयार झालेले गहू, हरभरा, मका पिकाचे पावसामुळे नुकसान झाले. आठवडाभरात तिसऱ्यांदा रब्बी पिकांना फटका बसला आहे.

त्यामुळे शेतकरी हतबल झाल्याची परिस्थिती निर्माण झाली आहे. सोमवारी दिवसभर ढगाळ वातावरण होते. सायंकाळपासून विजांचा लखलखाट सुरू झाला. सायंकाळच्या सुमारास जवळपास वीस मिनिटे पावसाने हजेरी लावली.

हेही वाचा : देशातले ३२ म्युच्युअल फंडांचं व्यवस्थापन आहे महिलांच्या हाती...

त्यामुळे वातावरणात काहीसा गारवा निर्माण झाला. बहुतेक शेतकऱ्यांचा कांदा काढणीस आला आहे. जास्त कमी पाऊस झाला तर कांदा पिकालाही धोका असल्याने शेतकऱ्यांमध्ये चिंता वाढली आहे.