esakal | धुळे जिल्ह्यात ५४.२४ टक्के उपयुक्त जलसाठा; नियोजन करणे आवश्यक

बोलून बातमी शोधा

धुळे जिल्ह्यात ५४.२४ टक्के उपयुक्त जलसाठा; नियोजन करणे आवश्यक}

यंदाच्या या पावसाळ्यात चांगला पाऊस झाल्यास प्रकल्प भरतील व शेतकऱ्यांना अच्छे दिन येतील. कोरोना, वादळाने त्रस्त जनतेला पाणी टंचाईने ग्रासले नाही हे भाग्यच म्हणावे लागेल.

धुळे जिल्ह्यात ५४.२४ टक्के उपयुक्त जलसाठा; नियोजन करणे आवश्यक
sakal_logo
By
एल. बी. चौधरी

सोनगीर : दमदार पाऊस झाल्याने जिल्ह्यात यंदा पाणीटंचाई जाणवण्याची शक्यता कमी असली, तरी पाण्याचा उपयुक्त साठा अवघा ५४.२४ टक्के असल्याने नियोजन करणे आवश्यक आहे. जिल्ह्यात ११० गावांना पाणीटंचाई जाणवण्याची शक्यता आहे. मात्र अद्याप त्यावर उपाययोजना सुरू नाहीत. 

आवश्य वाचा- धुळे जिल्हाधिकारी संजय यादव यांना कोरोनाची बाधा 
 


गेल्या वर्षी एप्रिल व मे मध्ये तापमान ४४ अंश सेल्सिअस पर्यंत पोचले होते. त्यामुळे जिल्ह्यात धरणाच्या साठ्यात मोठी घट झाली पण पाणीटंचाईचे संकट उभे राहिले नाही. जिल्ह्यातील लघु व मध्यम प्रकल्पात सध्या ५४.६० टक्के जलसाठा असून गेल्या वर्षी याच दिवशी ६०.५० टक्के जलसाठा होता. त्यामानाने यंदाची ही स्थिती फारशी चांगली म्हणता येणार नाही. जिल्ह्यात लघू व मध्यम प्रकल्पात सध्या २६९.८९ दशलक्ष घनमीटर एवढा जलसाठा आहे. नंदूरबार येथील लघू व मध्यम प्रकल्पात सुमारे ६४ टक्के म्हणजे १६३. ४० दशलक्ष घनमीटर म्हणजे बऱ्यापैकी जलसाठा उपलब्ध आहे. 

११ प्रकल्पात बऱ्यापैकी पाणी

धुळे जिल्ह्यात १२ मध्यम व ४७ लघुप्रकल्प आहेत. प्रकल्पांची क्षमता ४९४.८६ दशलक्ष घनमीटर पाणी एवढी आहे. लघुप्रकल्पांची जलसंचय क्षमता १२१.९७ दशलक्षघनमीटर एवढी असताना ५७.९६ टक्के म्हणजे ७७.७३ दशलक्षघनमीटर जलसाठा शिल्लक आहे. त्यामुळे अजूनही पाणी काटकसरीने वापरणे गरजेचे आहे. मध्यम प्रकल्पाची जलसंचय क्षमता ४७१.४३ दलघमी असून सध्या ३१०.४७ दलघमी म्हणजेच ६५.८५ टक्के जलसाठा आहे. धुळे जिल्ह्यातील १२ प्रकल्पांपैकी सर्वांत जास्त ७८.७९ दलघमी जलसाठा अनेर या प्रकल्पात आहे. तर सर्वांत कमी ६.०८ दशलक्ष जलसाठा सोनवद प्रकल्पात आहे. बहुतांश लघुप्रकल्पात अत्यल्प जलसाठा आहे. ४७ लघुप्रकल्पांपैकी सुमारे ३६ लघुप्रकल्पात कमी जलसाठा असून ११ प्रकल्पात बऱ्यापैकी पाणी आहे. 

चांगल्या पावसामुळे दिलासा..

परिसरातील जामफळ, सोनवद, देवभाने, सातपायरी धरणात बऱ्यापैकी साठा आहे. यंदाच्या या पावसाळ्यात चांगला पाऊस झाल्यास प्रकल्प भरतील व शेतकऱ्यांना अच्छे दिन येतील. कोरोना, वादळाने त्रस्त जनतेला पाणी टंचाईने ग्रासले नाही हे भाग्यच म्हणावे लागेल. दरम्यान गेल्या २० वर्षात जामफळ व्यतिरिक्त एकाही लघुप्रकल्पाचा विस्तार केला गेला नाही. किमान अक्कलपाडा धरणाचा विस्तार आवश्यक आहे. 

जलसाठ्याची स्‍थिती अशी 
प्रकल्प......….आजचा जलसाठा…. उपलब्ध जलसाठा (दलघमी) 

१) पांझरा - २७.७३ १९.९५ 
२) मालनगाव - ८.४३ ६.७४ 
३) जामखेडी - ८.४५ ७.५१ 
४) कनोली - ७.९४ ४.४९ 
५) बुराई - १८.७९ ११.६७ 
६) करवंद - ९.०७ ९.०७ 
७) अनेर - ७८.७९ ३४.४४ 
८) सोनवद - ६.०८ २.९२ 
९) अमरावती २१.४१ १४.८ 
१०) अक्कलपाडा - ५१.५६ ३१.०७ 
११) वाडीशेवाडी - २९.४६ २६. ४४ 
१२) सुलवाडे - ४२.७६ ४२.७५ 
एकूण मध्यम प्रकल्पात - ३१०.४७ २११.९३ 
एकूण लघू प्रकल्पात - ७७.७३ ४३.९६ 
 

संपादन- भूषण श्रीखंडे