UP Voting : आरएलडी, भाजप समर्थकांमध्ये हाणामारी

उत्तर प्रदेश विधानसभा निवडणुकीच्या पहिल्या टप्प्यातील मतदानादरम्यान शामलीमध्ये आरएलडी आणि भाजप समर्थकांमध्ये हाणामारी झाली. दोन्ही पक्षांच्या समर्थकांमध्ये हाणामारी झाल्याच्या वृत्ताने प्रशासनातही खळबळ उडाली. गोंधळाची माहिती मिळताच डीएम-एसपीही घटनास्थळी पोहोचले आणि घटनेची माहिती घेतली.

युतीचे उमेदवार प्रसन्ना चौधरी गुरुवारी दुपारी शामली येथील हिंदू गर्ल्स इंटर कॉलेजमधील बूथवर मतदान करण्यासाठी पोहोचले होते. यावेळी भाजप (BJP) समर्थकही तेथे आल्याचे सांगण्यात येत आहे. यावेळी दोन्ही बाजूंनी जोरदार आरडाओरडा सुरू झाला. काही वेळातच दोन्ही बाजूंनी बाचाबाची सुरू झाली. मतदानादरम्यान (Voting) झालेल्या गोंधळावर पोलिसांनी नियंत्रण ठेवण्याचा प्रयत्न केला. मात्र, बघता बघता दोन्ही बाजूंनी हाणामारी सुरू झाली.

बूथवरील हा गोंधळ कसातरी शांत झाला. यापूर्वी दोन्ही बाजूंच्या समर्थकांनी एकमेकांना जोरदार मारहाणही केली. बूथवर गोंधळाची माहिती मिळताच डीएम-एसपी घटनास्थळी पोहोचले आणि त्यांनी परिस्थिती हाताळली. मात्र, वादाचे कारण समजू शकलेले नाही.