फडणवीसांना टक्कर देणाऱ्या आशिष देशमुखांनी शिक्षक मतदार संघाकडे वळवला मोर्चा; निवडणुकीत रंगत येण्याची शक्यता 

Asish deshmukh now looking to enter in teachers election in Amravati
Asish deshmukh now looking to enter in teachers election in Amravati

नागपूर ः माजी मुख्यमंत्री देवेंद्र फडणवीस यांना दक्षिण-पश्चिम विधानसभा मतदारसंघात कडवी लढत देणारे माजी आमदार डॉ. आशिष देशमुख यांनी आपला मोर्चा आता अमरावती शिक्षक मतदार संघाकडे वळविला आहे. ते येथून लढण्यासाठी चाचपणी करीत असल्याचे समजते. त्यांनी उडी घेतल्यास निवडणुकीत चांगलीच रंगत येण्याची शक्यता आहे. 

आशिष देशमुख काटोल विधान सभा मतदारसंघाचे आमदार होते. मात्र भाजपसोबत विदर्भाच्या विकासाच्या मुद्यावर मतभेद झाल्याने त्यांनी राजीनामा दिला होता. त्यानंतर ते काँग्रेसमध्ये दाखल झाले. काँग्रेसने त्यांना तत्कालीन मुख्यमंत्री तसेच विद्यमान विरोधीपक्षनेते देवेंद्र फडणवीस यांच्या विरोधातच उभे केले. 

सुरुवातीला एकतर्फी वाटणारी निवडणूक देशमुख यांनी चांगलीच अटीतटीची केली. एक लाखांच्या मताधिक्यांचा भाजपचा दावा त्यांनी फेल ठरवला. फडणवीस ४९ हजार मतांच्या फरकाने निवडून आले. 

राज्यपालनियुक्त विधान परिषदेसाठी देशमुख प्रयत्न करीत होते. त्यांच्या नावाची चर्चाही होती. मात्र आता त्यांनी अमरावती शिक्षक मतदारसंघात स्वारस्य दाखवणे सुरू केले आहे. त्यामुळे अनेकांच्या भुवया उंचावल्या आहेत. 

भाजप-शिवसेना युतीचे उमेदवार श्रीकांत देशपांडे यांच्या विरोधात महाआघाडीने देशमुख यांना उमेदवारी दिल्यास मोठी चुरस निर्माण होऊ शकते. भाजप एकटी पडल्याने महाआघाडीचा उमेदवार जिंकून येण्याची शक्यता असल्याने देशमुख यांनी चाचपणी केल्याचे राजकीय वर्तुळात बोलले जात आहे.

संपादन - अथर्व महांकाळ 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com