शाब्बास चिमूकल्यांनो "लगे रहो और "करोना' थोडी मस्ती, थोडी पढाई'...

काटोल (जि.नागपूर)  :  जीवघेणा कोरोनामुळे देशात "लॉकडाउन' झाल्याने प्रथम एज्युकेशन फाउंडेशनने घरीच ऑनलाइन धडे घेण्याचा मार्ग दिला आहे. चिमूकले या दुनियेत फार रममाण झाल्याचे चित्र दिसत असून त्यांचा वेळ सत्कारणी लागत आहे.

अधिक वाचा :  पोलिस मासेमारांच्या घरी जाउन का धमकावितात बरे ?

चिमुकले रमले अभ्यास व कलाकृतीत
विद्यार्थ्यांच्या परीक्षेच्या काळात कोरोना आजाराने थैमान घातले. अशात विद्यार्थी, पालक व शिक्षकांनासुद्धा अभ्यास, गृहपाठ व परीक्षा सोबतच शालेय गुणवत्तेची काळजी वाटू लागली आहे. मुलांची परीक्षा होणार की नाही? शाळा कधी सुरू होणार? मॅडम, घरी करमत नाही. आम्ही शाळेत कधी यायचे? अशाप्रकारे विद्यार्थी आणि पालकांच्या प्रतिक्रिया येत होत्या. मुलांच्या शिक्षणावर लॉकडाउनचा प्रभाव पडत आहे. या सर्वावर उत्तम व प्रशंसनीय असा तोडगा प्रथम एज्युकेशन फाउंडेशन या सामाजिक संस्थेने सोशल डिस्टन्सचे पालन करून घरीच ऑनलाइनच्या माध्यमातून वेगवेगळ्या कलाकृती शिकवून आनंद दिला आहे.

अधिक वाचा :  खासगी जिनींगमध्ये भाऊ, क्‍विंटलमागे हजाराचे नुकसान रे?

लॉकडाउनमध्ये ऑनलाइनचे धडे
मुलांच्या शैक्षणिक गुणवत्तावाढीसाठी पहिली ते आठवीच्या मुलांसाठी लर्निंग कॅम्प सुरू होते. त्यामुळे पालक , स्वयंसेवक, युवती, अंगणवाडी सेविका आदी पालकांचे मोबाईल नंबर असल्यामुळे त्यांच्या मोबाईलवर अभ्यास पाठविला जात आहे. त्यांच्या क्षमतेनुसार इयत्ता पहिली, दुसरी, तिसरी, पाचवी, सहावी ते आठवी यानुसार अभ्यास तयार करण्यात आला आहे. दर दिवशी पालकांच्या व्हॉट्‌सऍप व एसएमएसवर अभ्यास पाठविला जातो. त्यात काही लिंक व टास्क समावेश आहे. त्या लिंकमध्ये कलाकृती बनवा तसेच गणिताचे शाब्दिक उदाहरणे, भाषेत अक्षरापासून शब्द तयार करणे, गोष्टी-कविता, नवनवीन प्रयोग, आवडते चित्र काढणे, एखाद्या विषयावर स्वतःच भाषेत स्वयंलेखन करणे आदी अभ्यास दिला जात आहे. याचे अपडेट दर दिवशी प्रथमचे केंद्र संसाधन प्रमुख घेत आहेत. वेळोवेळी फोनद्वारे स्वयंसेवक, पालकांना मार्गदर्शन करीत आहेत. सुरुवातीला काही समस्या आल्या. परंतु, यामुळे पालकांचा व मुलांचा उत्साह वाढला.

अधिक वाचा : आम्हीपण डॉक्‍टर्स ना...मग तुमचा आमच्यावर भरोसा नाही काय ?

पालकही समाधानी
आता विद्यार्थी आतुरतेने प्रथमच्या टास्कची वाट पाहत असतात. थोडा जरी उशीर झाला तर लगेच फोन करून विचारतात आज टास्क का बरं आला नाही? पालकसुद्धा या उपक्रमामुळे फार समाधानी असून मुलेही आनंदाने अभ्यास करत आहेत. सोबतच विद्यार्थ्यांना मोबाईल हाताळता येणे, लिंक ओपन करणे आणि दररोज गावातील ग्रुपवर "वर्क फ्रॉम होम' देतात. विद्यार्थी उत्साहात रमले आहेत.