गर्भधारणा टाळण्यासाठी फिमेल कंडोम किती फायद्याचे? जाणून घ्या...

नागपूर : आजच्या घडीला अनेक मुली व महिला नोकरी करीत आहेत. स्वत:च्या पायावर उभे राहण्यासाठी तसेच चांगले आयुष्य जगण्यासाठी त्यांनी नोकरी व व्यवसाय करण्याचा निर्णय घेतला आहे. अशात घरच्यांच्या दबावात लग्न केले. मात्र, लग्नानंतर त्यांना लगेच गर्भधारणा नको असते. यामुळे अनेक मुली गर्भधारणेपासून वाचण्यासाठी गर्भनिरोधक गोळ्या घेतात. अशा गोळ्या घेणे त्यांच्या आरोग्यासाठी हानिकारकही ठरू शकते. याला पर्याय म्हणून फिमेल कंडोम्स बाजारात उपलब्ध झाले आहेत. शारीरिक संबंध ठेवताना याचा वापर केल्यास पूर्णपणे सुरक्षा मिळते. चला तर जाणून घेऊ या फिमेल कंडोम्स विषयी माहिती... 

आपल्या देशात अद्याप कंडोम हा शब्द मोठ्याने उच्चारला जात नाही. तसेच कंडोमबद्दल उघड उघडही बोलले जात नाही. मग फिमेल कंडोमबद्दल बोलणे दूरचीच गोष्ट आहे. परंतु, महिलांना त्यांच्या आरोग्याशी व व्हजायनाशी निगडित सगळ्या गोष्टींची माहिती असणे गरजेचे आहे. नोकरी करणाऱ्या मुली व महिलांना लवकर गर्भवती व्हायचे नसेल आणि हानिकारक गोळ्यांचाही वापर करायचा नसेल तर मार्केटमध्ये फिमेल कंडोम्स उपलब्ध झाले आहेत. भारतातही महिला कंडोम्स उपलब्ध आहे. पुरुष जसे कंडोमचा वापर करतात तसेच महिलाही या कंडोमचा वापर करू शकतात. 

सविस्तर वाचा - देशात लॉकडाउन सुरू असताना या पठ्ठ्यान केला हा कारनामा...

बाजारात फिमेल कंडोम्स उपलब्ध झाले असले तरी महिलांना पडणारा प्रश्‍न म्हणजे ते सुरक्षित आहे का? आतापर्यंत या कंडोम्सबद्दल कोणत्याही चुकीच्या गोष्टी समोर आल्या नाही. त्याचे एक कारण म्हणजे जगभरातच या कंडोमचा वापर पाहीजे तसा होत नाही. मुली व महिलांमध्ये हे कंडोम वापरण्यासंदर्भात जनजागृती झालेली नाही. त्यामुळे मुली व महिला हे कंडोम न वापरण्यासाठी अनेक कारणे देतात. जर तुम्हाला हे कंडोम वापरायचे असेल तर एकदा आपल्या डॉक्‍टरचा सल्ला घेतलेला बरा... 

फिमेल कंडोम्यचे फायदे

• गर्भनिरोधक गोळ्यांसाठी दुसरा चांगला पर्याय. 
• नको असलेली गर्भधारणा टाळण्यासाठी फायदेशीर. 
• शरीरासाठी हानिकारक नाही. 
• कोणतेही साईड इफेक्‍ट्‌स नाहीत. 
• अनेक आजारांपासून बचाव. 

फिमेल कंडोम्सचे तोटे

• फिमेल कंडोम्स बाजारात पाहिजे त्या प्रमाणात उपलब्ध नाही. 
• पुरुषांच्या कंडोमपेक्षा फिमेल कंडोम्य महाग आहेत. 
• महिलांना या कंडोमची रिंग त्रासदायक वाटते. 

फिमेल कंडोम्स कसा दिसतो?

पुरुषांच्या कंडोम प्रमाणेच हे कंडोम असते. फक्त पुरुषांच्या कंडोमच्या तुलनेत याचा आकार मोठा असतो. या कंडोमची रिंग ही तुमच्या व्हजायनाकडे येते. हे कंडोम पॉलिथरीन व लॅटेक्‍स मटेरिअलमध्ये असते.

जाणून घ्या - Sunday Special : घरी बसून असा करा स्पर्धा परीक्षांचा ऑनलाइन अभ्यास...

फिमेल कंडोम्स कसे वापरतात?

जर तुम्हाला टॅम्पॉन वापरायची माहिती असेल तर अगदी त्याचप्रमाणे तुमच्या व्हजायनामध्ये हे इन्सर्ट करायचे असते. जरी तुम्हाला ते त्रासदायक वाटत असले तरी मटेरिअलमुळे ते सहज आत जाते. या कंडोमच्या उघड्या भागावर रिंग असल्यामुळे ते व्हजायनाच्या आत जात नाही. शारीरिक संबंध ठेवल्यानंतर हे कंडोम तुम्हाला थोडे ट्‌विस्ट करून काढायचे असते.