शाळा सुरू करायच्या कशा? शिक्षणमंत्र्यांनी घोषणा केली, पण सक्षम प्राधिकाऱ्यांना आदेशच नाहीत

नागपूर : शिक्षणमंत्री वर्षा गायकवाड यांनी पाचवी ते आठवीपर्यंतचे वर्ग सुरू करण्याची घोषणा केली. उपसचिव राजेंद्र पवार यांच्या स्वाक्षरीने तसे आदेश काढण्यात आले. परंतु, सक्षम प्राधिकारी जिल्हाधिकारी आणि महानगरपालिका आयुक्त यांना आदेश 'मार्क'च करण्यात आले नाही. त्यामुळे दोन्ही प्राधिकारी निवांत असून शाळा सुरू करायच्या कशा, असाच प्रश्न शिक्षण विभागाला पडला आहे. 

हेही वाचा - मन सुन्न करणारी घटना! 'डिअर मॉम...आय लव्ह यू' लिहून सोडला जीव, आईनं फोडला एकच हंबरडा

कोरोनामुळे शाळा महाविद्यालय बंद ठेवण्यात आले. टप्प्याटप्‍प्यात वर्ग सुरू करण्यात येत आहेत. पहिल्या टप्प्यात ९ ते १२ वी पर्यंतचे वर्ग नोव्हेंबर २६ पासून सुरू करण्यात आले. नागपूर शहरात ४ जानेवारी, तर ग्रामीण भागात १४ डिसेंबरपासून सुरू करण्यात आल्या. आता ५ वी ते ८ वी पर्यंतचे वर्ग २७ जानेवारीपासून करण्याची घोषणा शिक्षण मंत्री वर्षा गायकवाड यांनी केली. १८ जानेवारीला उपसचिव राजेंद्र पवार यांच्या स्वाक्षरीने तसे आदेश काढण्यात आले. साथ रोग नियंत्रण कायद्यानुसार शहरात निर्णय घेण्यासाठी महानगर पालिका आयुक्त यांना प्राधिकृत करण्यात आले, तर ग्रामीण भागासाठी जिल्हाधिकारी सक्षम प्राधिकारी आहेत. शासनाने २६ नोव्‍हेंबरपासून शाळा सुरू करण्याचा निर्णय घेतला होता. मात्र, जिल्ह्याची परिस्थिती लक्षात शाळा उशिराने सुरू करण्यात आल्या. 

हेही वाचा - महिलेच्या घरात घुसून डोक्यावर ठेवली बंदूक अन् केली विचित्र मागणी; घटनेनं परिसरात खळबळ   

शिक्षण विभाग द्विधा मनःस्थितीत - 
१८ जानेवारीला काढण्यात आलेला आदेश राज्यपालांचे सचिव, मुख्यमंत्री, उपमुख्यमंत्री, मंत्री तसेच शिक्षण आयुक्त, संचालक, विभागीय उपसंचालक, जिल्हा परिषदचे मुख्य कार्यकारी अधिकारी, शिक्षणाधिकारी यांना 'मार्क' करण्यात आले. परंतु, जिल्हाधिकारी व महानगर पालिका आयुक्त यांना 'मार्क' करण्यात आले नाही. त्यामुळे शाळा सुरू करण्यासोबतच आवश्यक उपाययोजना सुरू करण्याबाबतचा निर्णय घेणार कसा, असा प्रश्न शिक्षण विभागाला पडला आहे.