उपराजधानीत आज कोणते परिसर सील करण्यात आले...जाणून घ्या

itwari, shantinagar area seal
itwari, shantinagar area seal

नागपूर : शहरात कोरोनाग्रस्तांचा आलेख वाढत असून विविध परिसर प्रतिबंधित क्षेत्र घोषित करण्यात येत आहे. आज बाजारपेठ असलेल्या इतवारीतील अनाज बाजार परिसरातही कोरोनाग्रस्त आढळून आला. त्यामुळे अनाज बाजारसह शांतीनगरातील स्वीपर कॉलनी तसेच नारा येथील आर्यनगर व निर्मल कॉलनी परिसर आयुक्तांनी सील केला. 

मंगळवारी झोनअंतर्गत प्रभाग क्रमांक 1 मधील नारा परिसरातील आर्यनगरात वैदेही अपार्टमेंट भागात कोरोनाबाधित आढळून आला. त्यामुळे आर्यनगरातील दक्षिण पूर्वेस जितेंद्र सिंग ठाकूर यांचे घर, पश्‍चिमेस साधक अपार्टमेंट, उत्तर-पश्‍चिमेस गणेश प्रल्हाद राठोड यांचे घर, उत्तर-पूर्वेस जगजित सिंग यांचे घरापर्यंतचा परिसर सिल करण्यात आला. याच प्रभागातील नारा रोडवरील निर्मल कॉलनीतील काही भाग प्रतिबंधित करण्यात आला.

निर्मल कॉलनीतील दक्षिण पूर्वेस किशोर चहांदे यांचे घर, दक्षिण-पश्‍चिमेस नरेंद्र सहदेव डोंगरे यांचे घर, उत्तर पश्‍चिमेस एस. डी. गणोरिया यांचे घर, उत्तर पूर्वेस रॉबर्ट मायकेल मरियण यांचे घरापर्यंत निर्बंध लावण्यात आले. सतरंजीपुरा झोनमधील प्रभाग 21 मध्ये इतवारी अनाज बाजार परिसरही कोरोनाबाधितामुळे प्रतिबंधित क्षेत्र म्हणून घोषित करण्यात आला.

अनाज बाजारातील उत्तर-पूर्वेस गुरुदत्त ट्रेडिंग कंपनी, दक्षिण पूर्वेस वंदे मातरम्‌ प्रिटिंग प्रेस, दक्षिण-पश्‍चिमेस चांदुमल भगवानदास किराणा, पश्‍चिमेस शिवनारायण किसन अगरबत्ती, उत्तर-पश्‍चिमेस भोजराज गोपालदास यांच्या दुकानापर्यंत निर्बंध लावण्यात आले.

याच प्रभागातील शांतीनगर स्वीपर कॉलनीतील परिसरही सिल करण्यात आला. स्वीपर कॉलनीच्या उत्तर पूर्वेस अस्मिता वानखेडे यांचे घर, दक्षिण पूर्वेस अशोक विराट यांचे घर, दक्षिण पश्‍चिमेस दिनेश असरेट यांचे घर, पश्‍चिमेस सूरज समुंद्रे यांचे घर, पश्‍चिमेस सुंदरलाल समुंद्रे यांचे घर, उत्तर पश्‍चिमेस धर्मदास समुंद्रे यांचे घरापर्यंतचा परिसर प्रतिबंधित क्षेत्र घोषित करण्यात आले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com