नागपूर : पती आणि पत्नीचे नाते हे विश्वास आणि प्रेमावर टिकून असते. मात्र या दोन्ही गोष्टी नसतील तर हेच नाते खिळखिळे व्हायला वेळ लागत नाही. कोरोनाच्या परिस्थितीमुळे अनेकांच्या संसाराला उतरती कळा लागली आहे. तसेच कोरोनामुळे अनेकांच्या नोकऱ्या जाऊन गृहकलहामध्येही वाढ झाली आहे. मात्र याचमुळे नागपुरातील एका व्यक्तीने टोकाचे पाऊल उचलले आहे.
"तुझं माझं नातं तुटलं..तू मुलांना घेऊन माहेरी गेली.. तुला माझी गरज नाही..त्यामुळे आता मला जगून काही फायदा नाही... त्यामुळे मी आत्महत्या करीत आहे." असा उल्लेख करून एका युवकाने आत्महत्या केली. ही ह्दयद्रावक घटना अजनीतील कुंजीलालपेठ येथे शुक्रवारी रात्री ९.३० वाजताच्या सुमारास घडली.
अमर शिवलाल चौधरी (वय ४०) असे मृतकाचे नाव आहे. अमर हे चालक होते. पोलिसांनी दिलेल्या माहितीनुसार, अमर यांना दारुचे व्यसन होते. त्यांचा पत्नीसोबत सतत वाद व्हायचा. त्याला कंटाळून अमर यांच्या पत्नी मुलांना घेऊन माहेरी गेल्या. दरम्यान, लॉकडाउनमुळे अमर यांचे काम सुटले. ते तणावात राहायला लागले.
शुक्रवारी रात्री त्यांनी लाकडी बल्लीला दोरी बांधून गळफास घेतला. घटनेची माहिती मिळताच अजनी पोलिस तेथे पोहोचले. पोलिसांनी पंचनामा केला. अमर यांनी आत्महत्येपूर्वी लिहिलेली चिठ्ठी जप्त केली. याप्रकरणी अजनी पोलिसांनी आकस्मिक मृत्यूची नोंद करून तपास सुरू केला आहे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.