हृदयद्रावक! पोटच्या मुलाचा मृत्यू होताच आईनंही सोडला प्राण; मायलेकाच्या मृत्यूमुळे हळहळले अख्खे गाव  

बुटीबोरी (जि. नागपूर) :- व्यवसायाने ठेकेदार असलेला मुलाचा मृत्यू आईसमोर झाल्याने तो विरह सहन न झाल्याने आईला हृदय विकाराचा झटका आल्याने मृत्यू झाल्याची घटना बुटीबोरी जवळील कोलार या गावी घडली. 

किडनी घेता किडनी, कुणी आहे का? खासगी रुग्णालयांसमोर...

सविस्तर वृत्त असे की बुटीबोरी नजीक असलेल्या कोलार या गावी रहिवासी असलेला राजू सिंग भगवान सिंग जुनी वय ४२ वर्ष बुटीबोरी एमआयडीसी मधील शिल्पा कंपनी मध्ये सन २००९ पासून ठेकेदारी करत होता. त्या पूर्वी खेडेगावात पावशी,तवा,चाळणी आणि ड्रम असे सामान विकून आपला उदरनिर्वाह करायचा. वडिलांच्या मृत्यू नंतर कोलार येथे मामाच्या आश्रयाने राहत होता. 

त्यांच्या परिवारात पत्नी सह चार मुले आहे. अचानक तब्येत बिघडल्याने व बीपी, शुगर वाढल्याने नागपूर येथे दवाखान्यात नेत असताना ब्रेन हॅमरेज झाला. त्यात त्याचा मृत्यू झाला.मुलाच्या मृत्यूची बातमी कळताच  आई माया भाई ऊर्फ राम कौर भगवान जुनी वय 70 वर्ष मुलाचा मृतदेह घरी आल्यावर मुलाच्या विरहात आईने हंबरडा फोडला. राजुचे अंतिम संस्कार रात्री ११ वाजता करण्यात आले.

Nagpur Lockdown: टाळेबंदीच्या पूर्वसंध्येला बाजारपेठांमध्ये तुफान गर्दी; फिजिकल डिस्टन्सिंगचा फज्जा

परिवारात शोक काळा पसरली असता दिनाक ४ तारखेच्या पहाटे ५ वाजता हृदय विकाराच्या झटक्याने आईचे निधन झाले.मुलाच्या विरहात आईने प्रान सोडल्याची घटना घडल्याने परिसरात शोककळा पसरली. दुपारी बारा वाजता कोल्हार घाटावर अंतिम संस्कार करण्यात आले.

संपादन - अथर्व महांकाळ