भरधाव कारने जात होते जावई अन् मेहुणा, गाडीवरील नियंत्रण सुटले अन् घडला मृत्यूचा थरार

सावनेर : भरधाव कारवरील ताबा सुटल्याने कार अनियंत्रित होऊन रस्त्याच्या कडेला असलेल्या खड्ड्यात उलटल्याची घटना घडली. यामध्ये एकाचा मृत्यू झाला, तर एक गंभीर जखमी झाला. सावनेर पोलिस ठाण्याच्या हद्दीतीतल आयटीआयपुढील यशवंत बाबा झोपडपट्टीजवळ रात्री साडेअकरा वाजण्याच्या सुमारास घडली.

हेही वाचा - प्रेताच्या राखेतून भाकर शोधते माय, माणसाच्या अंतातून सुरू होते कोणाच्या तरी जगण्याची धडपड

रवी सत्यानारायण पुरे (वय २८, रा. म्हस्के लेआऊट वाघोडा )असे मृताचे, तर लोकेश प्रकाश वैद्य (वय २२, बर्डी नागपूर), असे जखमीचे नाव आहे. रवी हा त्याच्या मेहुण्यासोबत गडकरी चौकातून कार घेऊन कळमेश्वरच्या दिशेने जात होते. कार भरधाव होती. त्यातच चालकाचा गाडीवरील ताबा सुटला. त्यामुळे कार रस्त्याच्या कडेला असलेल्या खड्ड्यात उलटली. त्यात कारमधील दोघेही गंभीर अवस्थेत पडल्याने परिसरातील नागरिकांनी पोलिसांना कळविले. त्यानंतर त्यांना सावनेर येथील शासकीय रुग्णालयात नेले असता रवी मृत घोषित केले. तसेच लोकेशला नागपुरातील शासकीय वैद्यकीय महाविद्यालयात हलविण्यात आले. रवीचा मृतदेह कुटुंबीयांच्या स्वाधीन करण्यात आला. याप्रकरणी सावनेर पोलिसांनी नोंद करून तपास सुरू केला आहे. या प्रकरणाचा पुढील तपास पोलिस उपनिरीक्षक सतीश पाटील करत आहेत. 

हेही वाचा - आवाज कितीही बेसूर असला तरी गायला लावतात गाणी, पहाटेचा मानसिक 'आउटलेट'