खुशखबर! आता हृदय शस्त्रक्रियेसाठी होणार नाही गैरसोय, कॅथलॅब गरीबांसाठीही ठरणार वरदान

नागपूर : हृदयावर गुंतागुंतीची प्रक्रिया करणारे सुपर स्पेशालिटी हृदयरुग्णांसाठी वरदान ठरत आहे. यामुळे रुग्णांची गर्दी वाढली. मात्र, येथे एकच कॅथलॅब असल्याने मर्यादित रुग्णांना उपचार मिळत होते. शासकीय वैद्यकीय महाविद्यालया(मेडीकल)शी संलग्न सुपरमध्ये नुकतीच नवीन 'कॅथलॅब' मंजूर झाली. जिल्हा नियोजन समितीकडून प्राप्त झालेल्या ६ कोटी १५ लाखांतून ही कॅथलॅब खरेदी करण्यावर शिक्कामोर्तब करण्यात आले. 

हेही वाचा - शेतकरी दिवस : चौधरी चरणसिंह  केवळ सहा महिने पंतप्रधान...

मेडिकलशी संलग्न सरकारी रुग्णालयात उपचाराचे प्रमुख केंद्र म्हणून सुपर स्पेशालिटीकडे बघितले जाते. दर दिवसाला हजारावर गरीब रुग्ण उपचार घेण्यासाठी येतात. मात्र, मर्यादित पायाभूत सुविधा असल्याने अनेक रुग्णांना प्रतीक्षा करावी लागते. मात्र, अलीकडे अधिष्ठाता डॉ. सजल मित्रा यांनी रुग्णांना योग्य सुविधा वाढविण्यासाठी प्रयत्न सुरू केले आहेत. सुपरमध्ये एकच कॅथलॅब असल्यामुळे रुग्णाना अँजिओप्लास्टीसाठी प्रतीक्षा करावी लागत होती. आता ही गैरसोय दूर होणार आहे. दुसरी कॅथलॅब लवकरच रुग्णसेवेत दाखल होईल. 

हेही वाचा - मेयोत रुग्णांच्या जीवाला धोका? अद्यापही नाहीत प्रशिक्षित 'ड्रेसर'

जिल्हा नियोजन समितीकडून मिळालेल्या निधीतून ६ कोटी १५ लाख रुपये २०२०-२१ या वर्षात मंजूर झाले. कॅथलॅब यंत्र घेण्यावर खर्च हा निधी खर्च करण्यात येईल. नुकतेच विभागप्रमुखांच्या बैठकीत या विषयावर एकमत झाले. लवकरच हाफकिनकडून या यंत्राची खरेदी प्रक्रिया पूर्ण होईल. ज्येष्ठ हृदयविकारतज्ज्ञ डॉ. मुकुंद देशपांडे, विभागप्रमुख डॉ. प्रदीप देशमुख, सहयोगी प्राध्यापक डॉ. सुनील वाशिमकर यांच्यासह या विभागातील प्रत्येकाने अधिष्ठातांच्या या निर्णयाचे स्वागत केले आहे. 

हेही वाचा - विदर्भात थंडीची लाट कायम, नागपूर @ ८.६  

सुपरमध्ये १९९७ पासून आजतागायत सुमारे ४० हजारांवर गरीब रुग्णांच्या हृदयावर अँजिओग्राफी, अँजिओप्लास्टी करण्यात आली आहेत. गरिबांच्या हृदयावरील शस्त्रक्रिया सातत्याने सुरू आहेत. पंतप्रधान आरोग्य सुरक्षा योजनेतून सुपर स्पेशालिटीच्या हृदयरोग विभागात सुमारे ४ कोटी ८० लाख रुपये खर्च करून नवीन कॅथलॅब लावली आहे. एफपीडी, एफएफआर, आयव्हीयूएससारख्या गुणात्मक बदलातून सुपरचा हृदय विभाग ठणठणीत झाला आहे. इमर्जन्सी अँजिओग्राफी, अँजिओप्लास्टीचे फायदे गरीब रुग्णांना होत आहेत. 

हेही वाचा - राज्यमंत्र्यांना चिठ्ठी लिहून शेतकऱ्याने संपविले जीवन, तिघांविरुद्ध गुन्हा 

सुपर स्पेशालिटी हॉस्पिटलमध्ये प्रामुख्याने गरीब रुग्ण उपचारासाठी येतात. रुग्णांची गर्दी असल्याने उपचारासाठी प्रतीक्षा करावी लागते. मात्र, आता नवीन कॅथलॅब यंत्र लावण्यात येत आहे. सुपरमध्ये आता दोन कॅथलॅब होतील. यामुळे अधिक क्षमतेने हृदयविकाराच्या रुग्णांना लाभ मिळणार आहे. येत्या मार्च ते एप्रिलमध्ये हे यंत्र सुरू होईल. हृदयविकाराच्या रुग्णांना अद्यावत उपचार मिळतील तसेच निवासी डॉक्टरांना हृदयाशी संबंधित प्रात्यक्षिकाची संधी मिळेल. 
- डॉ. सजल मित्रा, अधिष्ठाता, शासकीय वैद्यकीय महाविद्यालय