वाढदिवसाला केला चक्‍क दोन लाखांचा खर्च; तरीही कौतुक

नागपूर : "पप्पा माझा वाढदिवस साजरा न करता आपण त्या पैशातून सॅनिटायझर, हॅंडवॉश आणि अन्य वस्तू डॉक्‍टर्स आणि पोलिस यांच्यासह गरजूंना देऊ' असा संकल्प केवळ दुसऱ्या वर्गात शिकत असलेल्या मौली गोयल नावाच्या चिमुकलीने केला. तिच्या वडीलाने लगेच तिचा संकल्प प्रत्यक्षात उतरवित पालकमंत्री डॉ. नितीन राऊत, क्रीडा मंत्री सुनील केदार, खा. कृपाल तुमाने, आ. आशीष जयस्वाल, जिल्हाधिकारी रवींद्र ठाकरे यांच्याकडे प्रस्ताव ठेवला. त्यांनीही या प्रस्तावाला मान्यता दिली. 

वाढदिवसाला आपल्या मित्र-मैत्रिणी आणि घरच्या मंडळींनी एकत्र येऊन केक कापावा या निमित्ताने चमचमीत गोड खाद्यपदार्थ बनावे, रिटर्न गिफ्ट द्यावे, नाच-गाणे, खूप धमाल करावी असे प्रत्येकालाच वाटत असते. मात्र, या सगळ्या उत्सवपूर्ण आकर्षक गोष्टी नाकारून सध्यस्थितीचे कोविड-19 प्रादुर्भावाचे भान ठेवून मौली महेशकुमार गोयल हिने 20 एप्रिलला आपला आठवा वाढदिवस साजरा न त्या पैशात कोरोना विषाणूशी लढणाऱ्या अत्यावश्‍यक सेवेतील योद्ध्‌यांना सुमारे दोन लाख रुपयांचे हॅंडवॉश आणि सॅनिटायझर वितरीत करण्यास जिल्हाधिकारी कार्यालयापासून सुरुवात केली. 

जाणून घ्या - Video : साहेबऽऽ, लोक पैसे देतात अन्‌ पूर्ण शरीराशी खेळतात, आज मात्र...

या सर्व मान्यवरांनी चिमुकल्या मोलीच्या योगदानाचे भरभरून कौतुक केले. कोरोना सारख्या अज्ञात शत्रूशी लढताना मोली सारखे सामाजिक जाणीवा असलेले असंख्य नागरिक, सेवाभावी संस्था हिरीरीने सहभागी होत आहेत ही निश्‍चितच अभिमानाची आणि प्रेरणादायी बाब असल्याची प्रतिक्रिया पालकमंत्री डॉ. नितीन राऊत यांनी दिली. 

निर्णयाचे कौतुक

मौली गोयल हिने वडीलासोबत जाऊन दोन लाख रुपयांचे सॅनिटायझर, हॅंडवॉश वितरित करण्यास सुरुवात केली. त्या चिमुकलीचे सर्वत्र कौतुक होत आहे. ऐवढ्या लहान वयात असा निर्णय तिने कसा घेतला असावा अशी चर्चा यानिमित्त रंगली होती. 

असे का घडले? - प्रेयसी दुसऱ्यासोबत सेट झाल्याने टिकटॉकवर टाकले दर्दभरे व्हिडिओ अन्

कोरोनाचा धोका वाढतोय

नागपूर शहरात कोरोनाचा धोका वाढतच आहे. दिवसेंदिवस पॉझिटिव्ह रुग्णांची संख्या वाढतच आहे. आतातर शंभरी पार करायला केवळ चार रुग्णांची भर बाकी आहे. यामुळे प्रशासनासह पोलिसांची चिंता वाढली आहे. मात्र, नागरिक काही केल्या सुदरायला तयार नसल्याचे एकंदरीत स्थितीवरून दिसून येते. कोणत्याही कारणाने ते बाहेर पडण्याचाच प्रयत्न करीत आहेत.