बौद्ध अध्ययन केंद्राच्या बांधकामात टाकला कुणी खोडा...वाचा नेमके काय झाले

नागपूर  : राष्ट्रसंत तुकडोजी महाराज नागपूर विद्यापीठाच्या रामदासपेठ येथील आंतरराष्ट्रीय बौद्ध अध्ययन केंद्रात विपश्‍यना व ध्यानसाधना सभागृह करण्याचे ठरविले. त्यासाठी सार्वजनिक बांधकाम विभागाकडे विद्यापीठाने 50 लाख रुपये जमा केले. मात्र, आता विद्यापीठाने जमा केलेले 50 लाख रुपये परत मागविले आहे.विद्यापीठ प्रशासनातील काही अधिकाऱ्यांनी खोडा घातल्याने हे काम रखडले आहे. यामुळे शहराच्या मध्यभागी तयार होणाऱ्या आंतरराष्ट्रीय दर्जाच्या विपश्‍यना केंद्राचेही काम थांबले आहे.

दुर्दैवी! गरीब शालेय विद्यार्थ्यांवर आली उपासमारीची वेळ..काय आहे कारण ..वाचा सविस्तर 

विद्यापीठाने उभारलेल्या आंतरराष्ट्रीय बौद्ध अध्ययन केंद्राच्या बांधकामाला अडीच वर्ष पूर्ण झाले. विद्यापीठाच्या रामदासपेठ येथील ग्रंथालय परिसराच्या बाजूला उभारलेली ही वास्तू आहे. सध्यास्थितीत या दुमजली इमारतीत तळमजल्यावर केंद्र संचालकांचा कक्ष, प्राध्यापकांचे दोन कक्ष, ग्रंथालय, वाचनकक्ष, दोन संगणककक्ष, चार वर्ग खोल्या, एक कार्यालय व एक महिला कक्ष आहेत. 5 कोटी 47 लाख एवढा खर्च करून ही वास्तू उभारण्यात आली आहे.

अंतिम वर्षाच्या परीक्षेबाबत कोण आणणार प्रस्ताव...वाचा सविस्तर

मात्र, महापालिकेच्या नगररचना विभागाने इमारत बांधकामात काही त्रुटी काढल्याने उद्‌घाटन होऊ शकले नाही. या केंद्राच्या दुसऱ्या माळ्यावर बांधकाम करण्यासाठी 2017-18 आणि 2018-19 या वर्षांच्या विद्यापीठ अर्थसंकल्पात तरतूद करून विपश्‍यना व ध्यानसाधना सभागृहाच्या बांधकामासाठी 50 लाख रुपये सार्वजनिक बांधकाम विभागात जमा करण्यात आले होते. मात्र, सार्वजनिक बांधकाम विभागाकडे जमा केलेली रक्कम विद्यापीठाद्वारे परत घेण्यात आलेली आहे. या प्रकाराने अध्ययन केंद्र आणि विपश्‍यना केंद्राचेही काम थांबले आहे.

विपश्‍यना सभागृहाचा अनेक नागरिकांना लाभ होणार या उद्देशाने हा प्रकल्प होता. मात्र, विद्यापीठातील काही अधिकाजयांनी पीडब्लूडीकडून हे पैसे परत घेत चांगल्या प्रकल्पामध्ये खोडा घातला आहे. या गंभीर प्रकाराची चौकशी व्हायला हवी.
डॉ. पुरणचंद्र मेश्राम,
माजी कुलसचिव, राष्ट्रसंत तुकडोजी महाराज नागपूर विद्यापीठ.