लक्झरी कारमधून करायचे गायींची चोरी, असा झाला टोळीचा पर्दाफाश 

cow theft
cow theft

नागपूर : मध्यरात्रीच्या सुमारास शहरात फिरून गायींना कारमध्ये कोंबून चोरून नेणाऱ्या टोळीचा एमआयडीसी पोलिसांनी पर्दाफाश केला. या टोळीतील चौघांना पोलिसांनी अटक केली. उर्वरित आरोपींचा शोध पोलिस घेत आहेत. ही घटना सीसीटीव्हीमध्ये कैद झाल्याने चोरट्यांच्या टोळीचा सुगावा लागला. 

पोलिसांनी दिलेल्या माहितीनुसार, भांडे ले-आउटमध्ये राहणारे दिनेश भांगे यांच्या गोठ्यात जर्सी गाय बांधली होती. गेल्या वर्षी 15 डिसेंबरला पहाटे साडेतीन वाजता चोरट्यांची टोळी तेथे आली. त्यांनी गोठ्यातील गर्भवती असलेली गाय कारमध्ये कोंबली आणि निघून गेले. त्यांच्या गोठ्याच्या समोर लावलेल्या सीसीटीव्ही कॅमेऱ्यांमध्ये गायी चोरीची घटना कैद झाली.

सीसीटीव्हीमुळे चोरी उघडकीस
या प्रकरणाची तक्रार भांगे यांनी एमआयडीसी पोलिस ठाण्यात केली. पोलिस निरीक्षक हेमंतकुमार खराबे यांच्या पथकाने सीसीटीव्ही फुटेज ताब्यात घेतले. ते फुटेज सक्‍करदरा पोलिसांना पाठवले. सक्‍करदरा आणि एमआयडीसीच्या पथकाने फुटेजवरून शनिवारी आरोपी अब्दुल एहफाज (वय 22) आणि त्याचा साथीदार शेख मजहर (वय 24) गौसिया कॉलनी, मोठा ताजबाग यांना ताब्यात घेतले.

या आरोपींनी गाय चोरी केल्याची कबुली दिली. त्यांना खाक्‍या दाखवताच अन्य आरोपी अब्दूल अजीम आणि शेख सानू यांना अटक केली. अन्य आरोपी शेख शाकीर ऊर्फ मोनू फरार आहे. त्याचा शोध पोलिस घेत आहेत. ही कारवाई एमआयडीसीचे ठाणेदार हेमंत खराबे यांच्या डीबी पथकातील रमेश हत्तीगोट, एएसआय अरविंद राठोड, हवालदार विनायक मुंडे, पवन सिरसाट यांनी केली. 

तासाभरात गायीची कत्तल 
आरोपींची टोळी शहरातील मोकाट गाय किंवा गोठ्यात बांधलेली गाय कारमध्ये कोंबून चोरायचे. तासाभरात एका पडक्‍या घरात नेऊन कत्तल करण्यात येत होती. गायींचे हाड आणि अन्य अवयवांची लगेच विल्हेवाट लावली जायची. ही टोळी एवढी क्रूर आहे की गर्भवती गायींचीसुद्धा कत्तल करायचे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com