‘टू व्हिलर टॅक्सी’ रोजगार निर्मितीची नवीन वाट; नितीन गडकरी यांचे प्रतिपादन  

नागपूर ः कोरोनामुळे सर्वच औद्योगिक व अन्य क्षेत्रांसमोर आर्थिक संकट निर्माण झाले. अशा स्थितीतही ऑटोमोबाईल क्षेत्राने चांगली कामगिरी केली, ही आनंदाची बाब आहे. आगामी काळात ‘टू व्हिलर टॅक्सी’ संकल्पना रोजगार निर्मितीची नवीन वाट ठरेल, असा विश्वास केंद्रीय महामार्ग वाहतूक, परिवहन व एमएसएमई मंत्री नितीन गडकरी यांनी व्यक्त केला.

नक्की वाचा - काय सांगता! इथे चक्क बदकं देताहेत अनेकांना रोजगार; राज्यातील एकमेव पैदास केंद्र

एफएडीए गव्हर्निंग कौन्सिल सदस्यांशी व्हिडिओ कॉन्फरन्सच्या माध्यमातून ना. गडकरी यांनी संवाद साधला. कार्यक्रमात बोलतान ते पुढे म्हणाले, टू व्हिलर टॅक्सीला इलेक्ट्रॉनिक मीटर लावून टॅक्सी म्हणून चालविण्याचा आमचा प्रयत्न आहे. यामुळे कुणालाही पैसा कमावता येणार आहे. एकट्या व्यक्तीला बस, रेल्वे स्टेशनवर पोहोचवाचे असल्यास ही टॅक्सी सुविधा अत्यंत फायदेशीर ठरेल. टॅक्सी चालकाला रोजगार आणि प्रवाशाला स्वस्तात आपल्या गंतव्यापर्यंत पोहोचता येणार आहे.

भारतात सार्वजनिक वाहतूक अपेक्षेइतकी यशस्वी झाली नाही. काही भागात यशस्वी झाली. पण ती डिझेलमुळे परवडत नाही, असे सांगताना गडकरी म्हणाले, सार्वजनिक वाहतुकीसाठ़ी जैविक इंधन- इथेनॉल, मिथेनॉल, सीएनजी, बायो सीएनजीचा वापरच अधिक फायदेशीर ठरणार आहे. याशिवाय ट्रॉली बसेसचा वापर केला तर कमी खर्चात प्रवास शक्य आहे. इलेक्ट्रिक इंधन अत्यंत स्वस्त पडणारे आहे. डिझेल आणि पेट्रोलसाठ़ी आज जैविक इंधनाचे अनेक पर्याय उपलब्ध आहेत.

क्लिक करा - सावधान! .फेसबूकच्या `मार्केट प्लेस’वरून खरेदी करताय? होऊ शकते लाखोंची फसवणूक

जवळपासच्या सार्वजनिक वाहतुकीसाठी ना. गडकरी यांनी ब्रॉड गेज मेट्रोचा पर्याय समोर आणताना सांगितले की, हा प्रकल्प आर्थिकदृष्ट्या परवडणारा आहे. केवळ पाच कोटी रुपये प्रति किलोमीटर खर्च या प्रकल्पाला येणार आहे. रेल्वेच्याच सुविधा वापरून नागपूर, अमरावती, नरखेड, वडसा, गोंदिया, रामटेक, छिंदवाडा अशा ठिकाणी ब्रॉडगेज मेट्रोतून प्रवास करता येईल. १६० किमी प्रतितास आणि एसीची सुविधा असलेली मेट्रो जनतेला प्रवासासाठी यशस्वी ठरेल,असे गडकरी म्हणाले.

संपादन - अथर्व महांकाळ