Cooler Electric Shock: खेळता खेळता स्वराज कूलरजवळ गेला, शॉक लागून मृत्यू; आईच्या डोळ्यादेखत १४ महिन्यांच्या चिमुकल्याचा अंत!

घाटंजी (जि. यवतमाळ) : तालुक्यातील शिरोली येथे गुरुवारी (ता. १४) सकाळी सात वाजताच्या सुमारास घडलेल्या एका अपघातात अवघ्या १४ महिन्यांच्या बालकाचा मृत्यू झाला. कुलरच्या विद्युत प्रवाहाचा धक्का लागल्याने स्वराज सूरज उले (वय १४ महिने, रा. शिरोली) या चिमुकल्याची प्राणज्योत मालवली. या हृदयद्रावक घटनेमुळे संपूर्ण गावात शोककळा पसरली असून सर्वत्र हळहळ व्यक्त होत आहे.