सबस्क्राईब करा
वर्ध्यात एक दुर्दैवी घटना घडली आहे. मंदिरावर झेंडा चढवत असताना विजेचा धक्का लागल्याने ३ जणांचा दुर्दैवी मृत्यू झाला आहे. वर्ध्याच्या पिपरी मेघे या गावात आज (३०, ऑगस्ट) सकाळी आठ वाजण्याच्या सुमारास ही दुर्घटना घडली आहे. अशोक सावरकर(वय 55), बाळू शेर (वय 60) आणि सुरेश झिले (वय 33) अशी मृत तरुणांची नावे आहेत.
या घटनेबाबत मिळालेल्या माहितीनुसार, सकाळच्या सुमारास सर्वत्र रक्षाबंधनाची तयारी सुरू असतानाच ही घटना घडली. विजेचा धक्का लागून ३ जणांचा मृत्यू झाल्याची घटना वर्ध्यामध्ये घडली. वर्ध्याच्या पिपरी मेघे गावातील तुळजाभवानी मंदिरावर झेंडा लावायला तीन तरुण चढले होते. मंदिरातील झेंड्याचा खांब हा 25 फूट उंचीचा होता.
झेंडा वरती चढवत असताना झेंड्याच्या लोखंडी खांबाचा तोल सुटल्यामुळे तो शेजारी असलेल्या 33 केव्हीच्या विजेच्या तारेवरती पडला, ज्यामुळे तिघांनाही विजेचा धक्का लागला. विद्युत प्रवाहाचा जोरात झटका लागल्याने तीनही तरुण मंदिराच्या शेडवर पडले.
या दुर्घटनेत एका तरुणाचा जागीच मृत्यू झाला, तर दोघांचा रुग्णालयात उपचार सुरू असताना मृत्यू झाला. या घटनेने संपूर्ण गावावर शोककळा पसरली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
