महावितरणचा खिसा रिकामाच, फक्त नागपूर विभागातील थकबाकी सात हजार कोटी

यवतमाळ : लॉकडाऊनच्या काळात ग्राहकांना चार महिन्यांचे एकत्रित वीजबिले आली. त्यामुळे ग्राहकांकडून वीजबिले वेळेवर भरली जात नाहीत. त्यामुळे नागपूर प्रादेशिक विभागाची थकबाकी सात हजार 354 कोटी रुपयांवर पोहोचली आहे. दरम्यान, या थकीत रक्कमेमुळे वीज महाविरण कंपनीचा खिशाच रिकामा झाला आहे.

हेही वाचा - आपल्या मादीला आकर्षित करण्यासाठी तयार करतात सुंदर घरटं...

कोरोनामुळे देशभरात लॉकडाउन करण्यात आले. या काळात रीडिंग व बीलवाटप बंद होते. मार्चनंतर थेट जुलैमध्ये वीजबिले ग्राहकांना एकत्रित पाठविण्यात आलीत. बिलावरील रकमेचे आकडे पाहून ग्राहकांनी महावितरणकडे धाव घेतली. नागरिकांच्या तक्रारीचे ढीग महावितरणच्या कार्यालयात जमा झाले आहेत. विजेच्या वापरानुसार वीजबिले असल्याचे सांगून महावितरणकडून ग्राहकांना टप्प्याटप्प्यात बिले भरण्याची सवलत देण्यात आली. काही ग्राहकांनी विजबिले भरली, तर बहुतांश नागरिकांनी वीजबिल माफ होईल, या आशेने अजूनही विजबिले भरलेली नाहीत. लॉकडाउनच्या काळात अनेकांचे रोजगार बुडाले आहेत. त्यामुळे काहीजवळ वीजबिल भरण्यासाठी पैसे नाही. अशा दुहेरी पेचात ग्राहक अडकले आहेत. असे असले तरीदेखील थकबाकीमुळे आता महावितरणचा खिसा रिकामा होण्याची वेळ आली आहे.

हेही वाचा - पदवीधर निवडणुकीची जबाबदारी मिळाली, पण अनेक लोकप्रतिनिधी मतदानापासून वंचित; वाचा कोणाचे शिक्षण किती?

एकट्या नागपूर प्रादेशिक विभागाची थकीत रक्कम सात हजार 354 कोटी रुपयांवर गेली आहे. त्यामुळे आता वीज महावितरण कंपनीसमोर संकटे उभे राहण्याची शक्‍यता नाकारता येत नाही. कोरोनाचे संकट टळलेले नाही. त्यामुळे सध्या तरी महावितरणकडून सक्तीची वसुली बंद आहे. मात्र, वाढती थकबाकी पाहता ती वेळ कधीही येण्याची शक्‍यता नाकारता येत नाही. नागरिकांनी वीजबिल भरून महावितरणला सहकार्य करावे, असे आवाहन महावितरणकडून केले जात आहे. त्यामुळे नागरिक आता थकीत रक्कम भरतात की, महावितरण वसुली मोहीम राबविणार, हे महत्वाचे ठरणार आहे.

हेही वाचा - मुलांमुळे आई-वडिलांना अनुभवता आला विवाह सोहळा; आयुष्याच्या सायंकाळी दाम्पत्य चढले...

प्रादेशिक विभागातील ग्राहक -

20,21,162

एकूण थकीत रक्कम -

7,354 कोटी