भामरागड तालुक्यात पोलिस-नक्षलवाद्यांमध्ये चकमक

एटापल्ली (गडचिरोली) : भामरागड तालुक्यातील कोठी पोलिस स्टेशनच्या हद्दीतील कार्पोशी गावालगतच्या जंगलात पोलिस आणि नक्षलवाद्यांमध्ये आज (ता. 20) सकाळी नऊच्या दरम्यान तासभर चकमक उडाली. यात दोन्ही बाजूचे कोणतेही नुकसान झाले नसल्याची माहिती आहे.

रविवारी (ता. 19) नक्षलवाद्यांकडून गडचिरोली जिल्हा बंद पुकारण्यात आला होता. बंद दरम्यान एटापल्ली तालुक्यात लाकूड बिट तसेच रोड रोलरची जाळपोळ करून ठिकठिकाणी रस्त्यावर झाड़े तोडून टाकली होती. यामुळे अनेक मार्गाची वाहतूक ठप्प होती.

त्यामुळे नक्षल्यांचा हालचालीवर पोलिसांची नजर होते, भामरागड पोलिसांकडून सकाळी नऊच्या दरम्यान नक्षल विरोधी शोधमोहीम राबवित असताना कार्पोशी गावांच्या जंगल परिसरात दबा धरून बसलेल्या नक्षल्यांनी अचानक पोलिसांच्या दिशेने गोळीबार केला. पोलिस प्रतिउत्तरादाखल नक्षल्यांच्या दिशेने गोळीबार केला. यावेळी पोलिसांचा वाढत दबाव पाहून माओवादी घनदाट जंगलाचा फायदा घेऊन पसार झाले.