Vidarbha Rain News : अमरावती जिल्ह्यात सार्वत्रिक पाऊस, घरांची पडझड; नदीकाठच्या गावांना सतर्कतेचा इशारा

अमरावती : गेल्या तीन दिवसांपासून अमरावती जिल्ह्यात पावसाचे सातत्य कायम आहे. परंतु मोठ्या प्रमाणात किंवा मुसळघार पाऊस झालेले नाही. धरणांच्या पाणलोट क्षेत्रात पावसाने चांगली हजेरी लावल्याने धरणांतील जलसाठ्यात वाढ झाली असून पूर्णा, अप्पर वर्धा व गर्गा या धरणातून व बेंबळा प्रकल्पातून विसर्ग करण्यात येत आहे.

यामुळे नद्यांच्या पाणीपातळीत आणखी वाढ होत असल्याने नदीकाठच्या गावांना सतर्कतेचा इशारा जिल्हा प्रशासनाने दिला आहे. जिल्ह्यातील चांदुरबाजार तसेच वरुड तालुक्यातील काही गावांना या पावसाचा फटका बसला आहे.

वरुड तालुक्यातील हातुर्णा ये ढगफुटी सदृश स्थिती निर्माण झाली होती. येथील सात घरांची पडझड झाली असून ४१ नागरिकांना घरात पाणी शिरले. भातकुली तालक्यातील पेढी नदीला सुद्धा पूर आला आहे.