अमरावतीत एका ७७ वर्षांच्या वृद्ध महिलेसोबत जादुटोण्याच्या संशयावरून अमानुष कृत्य करण्यात आल्याची धक्कादायक घटना घडलीय. मेळघाटातील रेट्याखेडा गावात हा प्रकार घडलाय. ७७ वर्षीय महिलेवर अत्याचार करण्यात आलेत. पीडित महिला जादुटोणा करत असल्याच्या संशयावरून तिची नग्न धिंड काढण्यात आली. त्यानंतर तोंडाला काळं फासलं गेलं. पीडित महिलेवर अशा अत्याचारामुळे अमरावती जिल्हा हादरला आहे.
