...अन्‌ नवविवाहितेने लगावली छेड काढणाऱ्याच्या श्रीमुखात 

अमरावती : एक 27 वर्षीय नवविवाहिता आपल्या घरात असताना एका आरोपी युवकाने तिच्या घरात जाऊन तिच्याशी बळजबरी करण्याचा प्रयत्न केला. या अचानक घडलेल्या प्रसंगामुळे संतापलेल्या नवविवाहितेने छेडखानी करणाऱ्या त्या भामट्याच्या श्रीमुखात लगावली. त्यामुळे चिडून त्या आरोपीने नवविवाहितेला जिवे मारण्याची धमकी दिली. ही घटना जिल्ह्यातील नांदगाव खंडेश्‍वर पोलिस ठाण्यांतर्गत घडली. 

अवश्य वाचा-  भंडारा पोलिस, शाब्बास! क्रेडिट कार्डमधून पळवलेली रक्कम दिली मिळवून परत 

संबंधित नवविवाहित महिला आपल्या घरात घरकामात व्यस्त होती. त्याचवेळी आरोपी शीलघन इंगोले (वय 32) हा तिच्या घरात शिरून महिलेशी बळजबरी करण्याचा प्रयत्न केला. अचानक घडलेल्या या प्रकाराने घाबरलेल्या पीडितेने शीलघनच्या श्रीमुखात लगावून स्वतःची सुटका करून घेतली.

अवश्य वाचा- एसटीच्या मोफत पासचा असाही साईडइफेक्‍ट; ग्रामीण शाळांतील विद्यार्थीसंख्या लागली घटू... 

त्यानंतर घडलेल्या प्रकाराची माहिती सासू-साऱ्यांना दिली. पीडितेने श्रीमुखात हाणल्याने आरोपी शीलघन चिडला. त्याने त्या नवविवाहितेला जिवे मारण्याची धमकी दिली. आपले कुणीच काही बिघडवू शकत नाही, अशा शब्दात तिला धमकावून पळ काढला. नांदगावखंडेश्‍वर पोलिसांनी पीडितेच्या तक्रारीवरून संशयित आरोपी शीलघन इंगोले (वय 32) याच्याविरुद्ध गुन्हा दाखल करून त्याला शनिवारी रात्री अटक केली. रविवारी (ता. 12) त्याला पोलिसांनी विशेष न्यायालयापुढे उभे केले होते, असे पोलिस निरीक्षक उदय सोईतकर यांनी सांगितले. 
 

संपादन ः राजेंद्र मारोटकर