सावधान! एसटीमध्ये चोरट्यांची टोळी सक्रिय; प्रवासी दाम्पत्यास बसला २ लाखांचा फटका

अमरावती ः जिल्ह्यात दोन महिन्यांपासून राज्य परिवहन महामंडळाच्या बसमधून प्रवास करणाऱ्या प्रवाशांच्या सामानांची तसेच दागिन्यांची चोरी करण्यात येत आहे. अशाच प्रकारे एका दाम्पत्याच्या बॅगमधील दागिन्यांच्या दोन डब्या चोरीस गेल्या. त्या डब्यांमध्ये ८५ ग्रॅम सोन्याचे दागिने व रोकड होती. कुणीतरी गर्दीचा फायदा घेऊन त्या डब्या सामानातून लंपास केल्या.

खुशखबर! गडचिरोलीतील गर्भवती महिलांची पायपीट थांबणार, आता तालुक्यातच मिळणार सुविधा  
 

विठ्ठल श्‍यामराव दुधवडे (वय ६८) हे सेलू (जि. वर्धा) येथे राहणारे गृहस्थ पत्नीसोबत मुलांची भेट घेण्यासाठी सेलूवरून अमरावतीला येण्यासाठी एसटी बसने निघाले होते. प्रवासात त्याच्यासोबत असलेल्या एका बॅगेत आवश्‍यक सामानांसह तुरीच्या शेंगा, दागिन्यांच्या दोन डब्या व रोख रक्कम होती. सायंकाळी पत्नीसह दुधवडे अमरावतीच्या मध्यवर्ती बसस्थानक परिसरात उतरले. तेथून ऑटोरिक्षाने शहरातील विश्‍वप्रभा नगरात मुलाच्या घरी उतरले. 

खुशखबर! आता घर आणि दुकानांनाही मिळणार स्टार रेटिंग; करात मिळणार सुट; राज्यात पहिलाच प्रयोग
 

मुलाच्या घरी दुधवडे यांच्या पत्नीने तुरीच्या शेंगा काढण्यास बॅग उघडली असता त्यातील दागिन्यांच्या दोन डब्या, ज्यामध्ये ३० ग्रॅमचा पोहेहार, १५ ग्रॅमचा गोफ, २५ ग्रॅमचे मंगळसूत्र, १० व ५ ग्रॅमच्या दोन अंगठ्या, असे २ लाख १२ हजारांचे सोन्याचे दागिने व २ हजारांची रोख रक्कम, असा २ लाख १४ हजार ५०० रुपयांचा ऐवज चोरीस गेल्याचे निदर्शनास आले. दुधवडे यांच्या तक्रारीवरून शहर कोतवाली पोलिसांनी अज्ञात व्यक्तीविरुद्ध गुन्हा दाखल केला.

संपादनः राजेंद्र मारोटकर