वृद्धाचा खून; मारहाण करून फेकले घराजवळ

अकोला : सिटी कोतवली पोलिस ठाण्यांतर्गंत येणाऱ्या सरकारी बगीच्या जवळील लहरिया कंपाऊंड रुबी अपार्टमेंट समोर गणेश रामचंद्र काळे (वय 54) या व्यक्तीचा खून झाल्याची घटना शुक्रवारी (ता.21) सकाळी सहा वाजता उघडकीस आली आहे.

बापरे! - नागपूरच्या राष्ट्रीय स्तरावरील बॉक्सरची अकोल्यात आत्महत्या

पोलिस सूत्रांनी दिलेल्या माहितीनुसार, गणेश रामचंद्र काळे याला रात्रीच्या दरम्यान मारहाण करून घराजवळ फेकले असल्याचा प्राथमिक अंदाज पोलिसांनी व्यक्त केला आहे. पोलिसांनी पंचनामा करून मृतदेह अकोला जिल्हा रुग्णालयात पाठवण्यात आला आहे. याप्रकरणाचा खुलासा वैद्यकीय अहवालानंतरच होणार असून, सिटी कोतवाली पोलिस संशयीतांची चौकशी करीत आहेत.

महत्त्वाची बातमी - बच्चू कडूंचा ताफा अडविला; मग घडले असे...

घटनेमुळे परिसरात खळबळ
महाशिवरात्रीच्या दिवशीच सकाळी-सकाळी सरकारी बगीच्या जवळील लहरिया कंपाऊंड रुबी अपार्टमेंट समोर हा मृदतेह आढळल्याने परिसरात एकच खळबळ उडाली होती. याविषयी नागरिकांमध्ये चर्चेला उधान आले आहे.