नागपूरच्या राष्ट्रीय स्तरावरील बॉक्सरची अकोल्यात आत्महत्या

अकोला : पोलिस ठाण्यांतर्गंत येणाऱ्या शास्त्रीय स्टेडियम जवळील क्रीडा प्रबोधनीमध्ये नागपूर येथील राष्ट्रीय पातळीवरील सूवर्णपदक विजेता बॉक्सरने गळफास लावून आत्महत्या केल्याची घटना शुक्रवारी (ता.21) सकाळी सहा वाजता उघडकीस आली आहे. 

पोलिस सूत्रांनी दिलेल्या माहितीनुसार, शास्त्रीय स्टेडियम जवळील क्रीडा प्रबोधनीमध्ये नागपूर येथील बॉक्सर प्रणव राऊत (वय 22) या युवा बॉक्सरने गळफास लावून आत्महत्या केल्याची घटना शुक्रवारी (ता.21) सकाळी सव्वानऊ वाजता उघडकीस आली.

महत्त्वाची बातमी - बच्चू कडूंचा ताफा अडविला; मग घडले असे...

या घटनेची माहिती मिळताच क्रीडा विभागातील प्रमुख अधिकारी-कर्मचाऱ्यांनी घटनास्थळी धाव घेतली. याप्रकरणी पोलिसांना माहिती देण्यात आल्यानंतर पोलिसांनी मृतदेह उत्तरीय तपासणीसाठी सर्वोपचार रुग्णालयात पाठविला आहे. याप्रकरणाचा खुलासा वैद्यकीय अहवालानंतरच होणार असून, पोलिस चौकशी करीत आहेत. 

हेही वाचा - मंत्री म्हणाले, बेकायदेशीर गुटख्या संबंधी माहिती द्या; मी करतो कारवाई

क्रीडा वर्तुळातही आश्चर्य
प्रणव राऊत हा राष्ट्रीय पातळीवरील सूवर्णपदक विजेता खेळाडू आहे. त्याच्या आत्महत्येमुळे परिसरात एकच खळबळ उडाली आहे. तर क्रीडा वर्तुळातही आश्चर्य व्यक्त केले जात आहे. याबाबत त्याचे वडिलांना माहिती देण्यात आली असून, ते नागपूर येथून अकोल्यातकरिता रवाना झाले आहे.