esakal | Video : या बळीराजाने पिकांवर नाही तर स्वतःच्या स्वप्नांवर चालवली कुऱ्हाड
sakal

बोलून बातमी शोधा

bhandara farmer

मोहाडी तालुक्यातील खरबी या गावात दिनेश देशमुख यांची दहा एकर शेती आहे.  या शेतीमध्ये डिसेंबर महिन्यात दोन एकरावर त्यांनी वांगे आणि टमाटरची लागवड केली होती. सुरुवातीचे तीन तोडे केल्यावर त्यांच्या मालाला चांगला दर मिळाला. या मधून त्यांना 50 हजार रुपयांपर्यंत उत्पन्न मिळाले. मात्र संचारबंदी सुरू होताच शेत मालाला बाजारपेठेतून मागणी कमी झाली, त्यामुळे व्यापाऱ्यांनी मोठ्या प्रमाणात माल खरेदी करणे बंद केले.

Video : या बळीराजाने पिकांवर नाही तर स्वतःच्या स्वप्नांवर चालवली कुऱ्हाड

sakal_logo
By
अभिजित घोरमारे

भंडारा : कोरोनामुळे सुरू असलेल्या संचारबंदीचा फटका आता शेतकऱ्यांनाही बसत असून दर मिळत नसल्याने भंडारा जिल्ह्याच्या मोहाडी तालुक्यातील एका शेतकऱ्याने आपल्या शेतातील टमाटे आणि वांग्याचे जवळपास 4 लाखांचे संपूर्ण पीक उपटून टाकले. बाजारात 50 पैसे किलो प्रमाणेही कोणी व्यापारी खरेदी करीत नाही त्यामुळे नाईलाजास्तव हा निर्णय घ्यावा लागला, अशी प्रतिक्रिया या शेतकऱ्याने दिली आहे.

मोहाडी तालुक्यातील खरबी या गावात दिनेश देशमुख यांची दहा एकर शेती आहे.  या शेतीमध्ये डिसेंबर महिन्यात दोन एकरावर त्यांनी वांगे आणि टमाटरची लागवड केली होती. सुरुवातीचे तीन तोडे केल्यावर त्यांच्या मालाला चांगला दर मिळाला. या मधून त्यांना 50 हजार रुपयांपर्यंत उत्पन्न मिळाले. मात्र संचारबंदी सुरू होताच शेत मालाला बाजारपेठेतून मागणी कमी झाली, त्यामुळे व्यापाऱ्यांनी मोठ्या प्रमाणात माल खरेदी करणे बंद केले. त्याचा परिणाम भाज्यांच्या दरावर  झाला असून ठोक बाजारात वांग्याला 50 पैसे प्रतिकिलो दर मिळणे कठीण झाले आहे.

दिनेश देशमुख यांनी रविवारी बाजारात विक्रीसाठी नेलेली वांग्याची 15 पोती, विक्री न झाल्याने फेकून द्यावी लागली. तसेच मजुरांच्या तोडणीचा आणि बाजारपेठेत नेण्यासाठी लागणारा वाहतुकीचा अतिरिक्त खर्चही देशमुख यांना करावा लागला. एक तर माल फेकावा लागला व इतर खर्च ही करावा लागला त्यामुळे पुढे काय करावे या विवंचनेत असलेल्या या शेतकऱ्यांनी हृदयावर दगड ठेवत एक मोठा निर्णय घेतला. काही मजूर घेऊन  हाता तोंडाशी आलेले पीक पूर्णपणे उपटून आणि तोडून टाकले. ही संचारबंदी नसती तर देशमुख यांना पुढच्या दोन ते तीन महिन्यात अंदाजे 3 ते 4 लाखांचे उत्पन्न अपेक्षित होते. या सर्व उत्पन्नाला देशमुख यांना मुकावे लागले आहे.

शारीरिक संबंधासाठी विवाहितेने घेतली पोलिसांकडे धाव, कारण वाचून व्हाल थक्‍क...
 

शेतकऱ्यांना जगणे कठीण होईल
सरकारने नुकसान भरपाई द्यावी संचारबंदीचा फटका आम्हा शेतकऱ्यांना बसत असून शासनाने याकडे लक्ष देणे गरजेचे आहे. आमच्या होणाऱ्या नुकसानाचे सर्वेक्षण करून काही मदत मिळाल्यास शेतकऱ्यांना नक्कीच फायदा होईल. अन्यथा शेतकऱ्यांना जगणे कठीण होईल.
- दिनेश देशमुख,  शेतकरी, खरबी

loading image