ती ढसा ढसा रडत होती; कारण, सर्व मागण्या पूर्ण केल्यावरही त्याने बोहल्यावर चढण्यास दिला नकार

अमरावती ः वरुड तालुक्‍यात असलेल्या एका गावातील युवतीचे लग्न जुळले. नातेवाइकांच्या उपस्थितीत साखरपुडा पार पडला. त्यावेळी नवरदेवाला सोन्याचा गोफ व अंगठी देण्यात आली. पण लग्नाची वेळ आली तेव्हा त्याची मागणी वाढली. ती मागणी वधुपिता पूर्ण करण्यात असर्थ ठरल्याने त्या लालची नवरदेवाने चक्क लग्न करण्यासच नकार दिला. त्यामुळे त्याच्याविरुद्धची पोलिस ठाण्यात तक्रार दाखल करण्यात आली. 

शुभम बागडे (वय 28) असे ऐनवेळी बोहल्यावर चढण्यास नकार देणाऱ्या युवकाचे नाव असल्याचे पोलिसांनी सांगितले. जुलै महिन्यात त्याचे एका युवतीशी लग्न जुळले होते. वधुपक्षाकडेच साखरपुडा झाला. लग्नाची तारीख निश्‍चित झाली. साखरपुड्यात वधुपित्याने शुभमला १५ ग्रॅम सोन्याचा गोफ, ७ ग्रॅमची सोन्याची अंगठी आणि तब्बल साडेपाच हजार रुपयांचा ड्रेस देऊन एकूण 1 लाख 15 हजार रुपयांचा खर्च केला. 

उघडून तर बघा - जो खाईल तूप त्याला येईल रूप... वाचा तूप खाण्याचे फायदे

दरम्यान, साखरपुड्यानंतर काही दिवसातच तीन लाख रुपये हुंड्याची मागणी वरपक्षाने केली. परंतु वेळेपर्यंत एवढी रक्कम देण्यास वधुपित्याने असमर्थता दर्शवली. शुभमने आपल्या होणाऱ्या पत्नीला फोन करून विवाह करण्यास नकार कळविला. वधूपक्षाने साखरपुड्याच्या वेळी शुभमला दिलेला एक लाख पंधरा हजार रुपयांचा ऐवज परत मागितला असता, तो ऐवजही वरपक्षाने परत करण्यास नकार दिला. वरपक्षाने आपला विश्‍वासघात केला, असा आरोप वधूपित्याने वरुड पोलिस ठाण्यात दाखल तक्रारीत केला. प्रकरणी वरुड पोलिसांनी शुभमसह वरपक्षाकडील एकूण पाच जणांविरुद्ध विश्‍वासघातासह हुंडाप्रतिबंधक कायद्यान्वये गुन्हा दाखल केला. 

बापरे! - विश्वासाला तडा... प्रियकराच्या मदतीने पत्नी करत होती पतीचा खून अन् पाच वर्षांचा मुलगा उघड्या डोळ्याने बघत होता

नियमानुसार पुढील कारवाई
तक्रारीनंतर पोलिसांनी चौकशी सुरू केली. आवश्‍यक पुरावे व माहिती घेण्याची प्रक्रिया सुरू आहे. आवश्‍यकता भासल्यास नियमानुसार पुढील कारवाई होईल. 
- मगन मेहते,
पोलिस निरीक्षक, वरुड

संपादन - राजेंद्र मारोटकर