धामणगाव रेल्वे : येथील रेल्वे स्थानकावर प्लॅटफॉर्म क्रमांक एकवर चालत्या सेवाग्राम एक्सप्रेसमध्ये चढताना यवतमाळ येथील उद्योजकाचा अपघाती मृत्यू झाल्याची घटना मंगळवारी (ता.२६) रात्री अकरा वाजताच्या सुमारास घडली..मृतक उद्योगपतीचे नाव निखिल दिलीप सराफ (वय ४५) असल्याचे पोलिसांनी सांगितले. त्यांच्या आकस्मिक मृत्यूबद्दल शोक व्यक्त करण्यात येत आहे. मिळालेल्या माहितीनुसार, यवतमाळ येथील निखिल दिलीप सराफ हे सेवाग्राम एक्स्प्रेसने मुंबई येथे जाण्यासाठी यवतमाळ येथून मंगळवारी (ता.२६) रात्री धामणगाव रेल्वे स्थानकावर आले होते. .सेवाग्राम एक्स्प्रेस प्लॅटफॉर्म क्रमांक एक वर आली होती. त्यांचे रेल्वे आरक्षण ए - १ या डब्यात होते. परंतु चालत्या सेवाग्राम एक्सप्रेसमध्ये चढताना निखिल सराफ यांचा तोल गेला व गाडीच्या खाली आल्याने त्यांचा घटनास्थळीच मृत्यू झाला..या घटनेची माहिती मिळताच बडनेरा येथील जी.आर.पी.एफ मधील पोलिस कर्मचारी अनिता इंगळे व हरीश कुसराम यांनी घटनास्थळी भेट दिली व पंचनामा केला. मृतदेह येथील ग्रामीण रुग्णालयात उत्तरीय तपासणी करिता आणण्यात आले होते. .Yavatmal Accident : बोलेरो वाहनाच्या धडकेत दोन ठार, एक तरुण गंभीर जखमी .उत्तरीय तपासणीनंतर नातेवाइकांच्या सुपूर्द करण्यात आला. यवतमाळ येथे बुधवारी (ता.२६) दुपारी अंत्यसंस्कार करण्यात आले. अधिक तपास बडनेरा येथील जी.आर.पी.एफ पोलिस करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
