Chandrapur Weather
esakal
चंद्रपूरः चंद्रपूर जिल्ह्यात बुधवारी रात्रीपासून पाऊस सुरू आहे. गुरुवारी रात्रीपर्यंत पाऊस सुरूच आहे. जिल्ह्यातील दहा तालुक्यांत अतिवृष्टी झाली. चिमूर तालुक्यात शेतात जनावरे चराईसाठी गेलेल्या एका युवकाचा वीज पडून मृत्यू झाला. सुहास जयेंद्रथ काळे (वय २०) असे मृताचे नाव आहे. याच तालुक्यातील चकजाटेपार गावात घराची भिंत कोसळली. सुदैवाने या घटनेत कोणतीही जीवितहानी झाली नाही. राजुरा तालुक्यातील नोकरी (बु.) माईन्स कॉलनी या मार्गावर असलेल्या नाल्यावरील पुलावर मोठ्या प्रमाणात पाणी वाहत आहे.
