Video :शेतक-याच्या पांढ-या सोन्याला मिळतोय मातीमोल भाव, एका शेतक-याने व्यथा मांडली गीतातून

चंद्रपूर (गडचांदूर) : कधी ओला दुष्काळ तर कधी कोरड्या दुष्काळाने दरवर्षीच गांजलेल्या शेतकऱ्यांना यावर्षीही निसर्गाचा फटका बसला. हिरवीगार झालेली पिके करपून गेली. शेतीसाठी काढलेले कर्ज फेडायचे कसे, या विवंचनेत सापडलेल्या शेतकऱ्यांच्या पांढऱ्या सोन्याला भाव  नसल्याने, तुम्ही खाता कोंबडीचे पाय अन दादा शेतकऱ्यांचे काय असा टोला कापूस विकायला गेलेल्या शेतक-याने स्वलिखित गीतातून जनप्रतिनिधीला लगावला आणि आपली व्यथा मांडली आहे
शेतकऱ्यांचे काय रे दादा शेतकऱ्याचे काय?
अशा बोलातून यांनी व्यथा मांडली.  कोरपना बाजार समितीअंतर्गत सोनूर्ली येथील जिनिंगमध्ये शेतकरी कापूस विकायला गेले असता कवडीमोल भावांनी कापसाची खरेदी केली गेली. इथे शेतकऱ्यांना खायला अन्न मिळतं नाही आणि लोकप्रतिनिधी चारचाकीने फिरून बंगल्यात राहतात. शेतकऱ्यांना त्यांच्या मालाचा योग्य मोबदला कधी मिळणार अशी व्यथा स्वतः शेतकरी असणारे मधुकर चुणारकर यांनी  स्वलिखित गीतातून मांडली.

कोरोना आजाराच्या सावटाने संपूर्ण देशात टाळेबंदी आहे. देशातील बाजारपेठ सुध्दा बंद आहे. अशा परिस्थितीत  पांढऱ्या सोन्याचा भाव बघून शेतकऱ्याच्या डोळ्यात पाणी येत आहे वेचाईला लागलेल्या खर्चापेक्षा कमी भावाने कापूस खरेदी केला जात आहे.
 नकटीच्या लग्नाला सतराशे विघ्न म्हणतात त्याप्रमाणे अस्मानी संकटातून कसा बसा सावरून शेतक-याने काही पिके हातात घेतली परंतु त्यांच्या मालाला आलेला भाव लावलेल्या किमीतपेक्षा कमी असल्याने  शेतकरी  हवालदिल झाला आहे.

सविस्तर वाचा - दुकान उघडताच नागरिकांनी लावल्या रांगा, चाळीस दिवसांनंतर मिळाली संधी
काही शेतकऱ्यांकडे पूर्वीचा तर काहींकडे शेवटचा कापूस शिल्लक आहे परंतु वाटेल त्या भावाने शेतकऱ्याचा कापूस खरेदी केला जात आहे १५०० ते २००० रुपये क्विंटल असा भाव शेतकऱ्यांना मिळतो आहे
शासन व जनप्रतिनिधी लक्ष देत नसल्यामुळे शेतकऱ्यांनी आपली व्यथा गीतातून मांडली आहे