जादूटोण्याच्या संशयावरून केला खून; पती-पत्नीसह दोन मुलांनाही जन्मठेप; न्यालयाचा निर्णय

पुसद (जि. यवतमाळ) : जादूटोणा केल्याचा राग मनात धरून भावजईला जिवाने मारल्याप्रकरणी येथील जिल्हा व सत्र न्यायालयाने आज (ता. २) पती-पत्नी व दोन मुलांना जन्मठेपेची शिक्षा सुनावली.

शिक्षा झालेल्या आरोपीचे नाव पती जयानंद धबाले (वय ५५), पत्नी आशा (वय ५०) व मुले किरण (वय २८) व निरंजन (वय ३०) यांचा समावेश आहे. मृत सुनंदा हिने जादूटोणा केल्यामुळेच आमच्या घराची प्रगती होत नाही, असा गैरसमज निर्माण झाला होता. 

"ओ मामी, बजेटवर एक रॅप साॅंग लवकर घेऊन या"; अमृता फडणवीस पुन्हा झाल्या...

नेहमीप्रमाणे १ मे २०१५ रोजीदेखील जावाजावांत वाद झाला. यावेळी सुनंदाची जाऊ आरोपी आशाने पती व मुलांच्या मदतीने तिला जिवाने ठार करण्याच्या उद्देशाने मुलांना हात धरायला लावले. पती जयानंद धबाले याने कुऱ्हाडीने वार करून सुनंदास ठार केले. या घटनेची तक्रार आरोपीचा लहान भाऊ किशोर धबाले याने पोलिसांत दिली. 

या प्रकरणात एकूण दहा साक्षी तपासण्यात आल्या. यामध्ये मृत महिलेसोबत असलेला सातवर्षीय नातू सार्थक याचीदेखील साक्ष झाली. सरकारी पक्षाची बाजू ॲड. महेश निर्मल यांनी मांडलेली बाजू ग्राह्य मानून न्यायालयाने चौघांनाही जन्मठेपेची शिक्षा सुनावली.