आम्ही आमच्या आरोग्यासाठीच्या डॉ. सतीश गोगुलवारांना राष्ट्रीय मानवाधिकार पुरस्कार

dr. gogulwar.
dr. gogulwar.

गडचिरोली : जिल्ह्यातील आदिवासींच्या सर्वांगीण विकासासाठी कार्यरत आम्ही आमच्या आरोग्यासाठी या संस्थेचे संचालक डॉ. सतीश गोगुलवार यांना यवतमाळ येथील डॉ. व्ही. एम. पेशवे सामाजिक संशोधन संस्थेद्वारे राष्ट्रीय मानवाधिकार पुरस्काराने सन्मानित करण्यात येणार आहे.
येत्या 22 मार्च रोजी होणाऱ्या "आरोग्य आणि मानवी हक्‍क' या विषयावरील एकदिवसीय राष्ट्रीय परिषदेमध्ये त्यांना हा पुरस्कार प्रदान करण्यात येणार आहे. 25 हजार रुपये रोख, स्मृतिचिन्ह आणि प्रमाणपत्र, असे या पुरस्काराचे स्वरूप आहे. संस्थेच्या वतीने दिला जाणारा हा आठवा पुरस्कार आहे. संस्थेचे डॉ. राम बुटले, डॉ. राम जाधव आणि संदीप तुंडूरवार यांनी या पुरस्काराची घोषणा केली. डॉ. व्ही. एम. पेशवे हे यवतमाळ येथील अमोलकचंद महाविद्यालयातून प्राचार्य म्हणून सेवानिवृत्त झाले . संशोधन आणि मानवाधिकार हे त्यांच्या अध्यापनाचे क्षेत्र होते.

त्यांच्या स्मृतिनिमित्त विद्यार्थी वर्गाकडून दरवर्षी हा पुरस्कार दिला जातो. यंदा नागपुरात "आरोग्य आणि मानवी हक्‍क' या विषयावर संस्थेच्या वतीने आणि यशोदा गर्ल्स कला व वाणिज्य महाविद्यालयाकडून परिषद होत आहे.

सामाजिक क्षेत्रात कार्यरत

डॉ. सतीश गोगुलवार मागील अनेक वर्षांपासून सामाजिक क्षेत्रात कार्यरत आहेत. आदिवासींच्या विविध समस्या सोडविताना वनौषधीपासून विविध उत्पादन तसेच अनेक कौशल्य शिकवून अनेकांना स्वयंरोजगारासाठी त्यांनी प्रेरित केले. समाजातील वंचित घटक, आदिवासी तसेच दिव्यांगांसाठीही त्यांची संस्था कार्य करते. याशिवाय पेसा, वनाधिकार कायद्याबद्दलही ते प्रबोधनाचे कार्य करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com