चालकाला लागली डुलकी अन्‌ घडले आक्रित... 

तुमसर (जि. भंडारा) : मालवाहतूक वाहनाने रस्त्याच्या कडेला उभ्या असलेल्या सात जणांना चिरडले. यात तिघा जणांचा मृत्यू झाला; तर चौघे जण जखमी झाले. ही घटना रविवारी (ता. 5) सकाळी साडेसात वाजताच्या सुमारास तुमसर-बपेरा- बालाघाट आंतरराज्य मार्गावर मोहाड येथे घडली.

मृतापैकी दोन मध्य प्रदेशातील मोहाड येथील रहिवासी असून, एक जण भंडारा जिल्ह्यातील काटी (ता. मोहाडी) येथील रहिवासी आहे. 

अन्‌ वाहन अनियंत्रित झाले 

मालवाहू वाहनातून नागपूरवरून भाजीपाला भरून बालाघाट येथे नेला जात होता. चालकाचे डोळे लागल्याने वाहन अनियंत्रित झाले. दरम्यान रस्त्याच्या कडेला उभ्या असलेल्या कारला धडक देत शेजारी उभ्या असलेल्या सात जणांना वाहनाने धडक दिली. 

जाणून घ्या : ती घरात नव्हे, माझ्या मनात नांदते!

तिघांचा मृत्यू 

यात शांतीलाल माहुले (वय 45), अमित मते (वय 20) रा. मोहाड (मध्य प्रदेश) व मंगल बुद्धे (वय 28) रा. (काटी/ पांढराबोडी, ता. मोहाडी) हे तिघे जागीच ठार झाले. शिवम प्रकाश (वय 15), हेमराज शेंडे (वय 18), नीलेश मते (वय 12), श्रेया आठवडे (वय 16) सर्व रा. मोहाड हे गंभीर जखमी झाले. 

हे कसं शक्‍य आहे? : गर्भात बाळ अन्‌ एमपीएससीचा पेपर, वाचा ही कहाणी..

जखमींवर रुग्णालयात उपचार 

जखमींवर तुमसर येथील उपजिल्हा रुग्णालयात उपचार सुरू आहेत. अपघात घडताच नागरिकांनी घटनास्थळावर धाव घेत जखमींना उपचारासाठी रुग्णालयात दाखल केले. पोलिसांनी या घटनेची नोंद घेतली आहे.