नगरसेवकासह अकरा जण पसार

अमरावती ः वाळू माफियाचा खून करण्याच्या तयारीत असलेल्या टोळीला घातक शस्त्रांसह अटक झाली होती. शनिवारी (ता. 22) विशेष न्यायालयाने चौघांच्याही पोलिस कोठडीची मागणी फेटाळून लावत त्यांना जामीन मंजूर केला. या टोळीतील नगरसेवकासह अकरा जण अद्याप पसार आहेत.
मो. सादिक शेख रज्जाक, नय्यर अली बेग मुकद्दर अली बेग, वसीम खान माले खान, आबिद खान यांना गाडगेनगर पोलिसांनी विशेष न्यायालयापुढे हजर केले. पोलिसांनी त्यांच्या कोठडीची मागणी न्यायालयात केली, असे पोलिस निरीक्षक मनीष ठाकरे यांनी सांगितले. या प्रकरणी नमूद चौघांसह फिर्दोस खान ऊर्फ बाबा सलीम खान, अनवर हुसैन, श्‍याम बंबईया, अहमद खान रहमत खान, राजा, तन्वीर खान, एजाज खान, फिरोज खान, सोनू, शेख जफर शेख जब्बार, अलीम खान ऊर्फ लाला माले खान अशा एकूण 15 जणांविरुद्ध गाडगेनगर ठाण्यात गुन्हा दाखल आहेत. दोन देशी बनावटीचे पिस्टल, पाच जिवंत काडतूस आणि चौदा तलवारी असा शस्त्रसाठा जप्त केला. एवढ्या मोठ्या प्रमाणावर झालेली ही पहिलीच कारवाई आहे. ही शस्त्रे कुणी पुरवली, अमरावतीत कुणाच्या सांगण्यावरून आणि कशासाठी आणली. कुणाच्या सांगण्यावरून कारमध्ये ठेवली याबाबत पोलिसांना अटकेतील चौघांकडून ठोस माहिती मिळाली नाही. पसार अकरा जणांच्या अटकेसाठी पोलिसांनी कारवाई सुरू केली होती.