बुलडाणा : माजी सैनिकाची दोन मुलांसह विहिरीत उडी मारून आत्महत्या

बुलडाणा : जिल्ह्यातील खामगाव तालुकयात एका माजी सैनिकाने आपल्या दोन मुलांसह विहिरीत उडी घेऊन आत्महत्या केल्याची खळबळजनक घटना घडली आहे.

खामगाव तालुक्यातील आंबेटाकळी या गावातील एका माजी सैनिकाने आपल्या दोन मुलांसह विहिरीत उडी घेऊन आत्महत्या केली. गोपाल चराटे (वय, ३६) हे काही महिन्यांपूर्वीच सैन्यातील सेवा पूर्ण करून गावी परतले होते. गावातील एका विहिरीमध्ये सराटे यांच्यासह त्यांची एक ६ वर्षीय मुलगी एक ४ वर्षीय मुलगा या तिघांचे मृतदेह
पाण्यात तरंगताना आढळून आले.

याबाबत नागरिकांनी तत्काळ खामगाव ग्रामीण पोलिस स्टेशनला माहिती दिली. पोलिसांनी घटनास्थळी जाऊन पंचनामा केला. चराटे यांच्या आत्महत्येचे कारण अद्याप
समजलेले नाही. पोलिस याबाबत तपास करत आहेत.