अखेर गरोदर मातेला तेलंगणा राज्यात प्रवेश...आणि मग घडले असे

सिरोंचा : येथील तेलंगणा राज्याच्या सीमेवर अडवलेली गरोदर महिलेची रुग्णवाहिका.
सिरोंचा : येथील तेलंगणा राज्याच्या सीमेवर अडवलेली गरोदर महिलेची रुग्णवाहिका.

सिरोंचा (जि. गडचिरोली) : सिरोंचा तालुक्‍यातील मंडलापूर येथील सुवर्णरेखा गणेश तुमगिरी (वय 26) या महिलेला गुरुवारी (ता. 26) सकाळी सिरोंचा येथील ग्रामीण रुग्णालयात दाखल करण्यात आले. तेथील डॉक्‍टरांनी तपासणी केली असता तिचे बाळंतपण कठीण असल्याने शस्त्रक्रियेची आवश्‍यकता असल्याचे सांगितले. परंतु तिथे शस्त्रक्रियेची सोय नसल्याने तेलंगणा राज्यात नेण्याचा सल्ला दिला.

त्यामुळे सिरोंचापासून जवळ असलेल्या तेलंगणा राज्यात नेणे सोयीचे असल्याने दुपारी अडीच वाजता महिलेला एका रुग्णवाहिकेतून तेलंगणा राज्यातील मंचेरीयल येथे नेत होते.

संचारबंदीचा बसला फटका

राज्याच्या सीमेवर तैनात असलेल्या पोलिसांनी गरोदर महिलेची रुग्णवाहिका अडवली. याबाबतची माहिती सिरोंचा येथील पत्रकारांना मिळाल्यानंतर त्यांनी नाक्‍याकडे धाव घेतली. पोलिसांची समजूत काढण्याचा प्रयत्न केला. मात्र, संचारबंदी तसेच कोरोना व्हायरसच्या धोक्‍यामुळे गरोदर मातेला आमच्या राज्यात नेता येणार नाही, असे पोलिसांनी सांगितले.

अधिकाऱ्यांशी भ्रमणध्वनीवर संपर्क

इकडे रुग्णवाहिकेत गरोदर माता वेदनेने विव्हळत होती. मात्र, पोलिस ऐकायला तयार नव्हते. यासंदर्भात जिल्हाधिकारी दीपक सिंगला व जिल्हा पोलिस अधीक्षक शैलेश बलकवडे यांना माहिती देण्यात आली. त्यांनी लागलीच तेलंगणा राज्यातील अधिकाऱ्यांशी भ्रमणध्वनीवर संपर्क साधला. गरोदर मातेला रुग्णालयात जाऊ द्या, अशी विनंती केली.

कुटुंबाला नाहक त्रास

त्यानंतर गृह राज्यमंत्र्याने वरिष्ठस्तरावर चर्चा करून या समस्येची माहिती दिली. अखेर तीन तासांच्या प्रतीक्षेनंतर गरोदर मातेला तेलंगणा राज्यात प्रवेश मिळाला. तेलंगणा राज्यातील पोलिसांच्या हेकेखोरपणामुळे मंडलापूर येथील गरोदर मातेला व तिच्या कुटुंबाला नाहक त्रास सहन करावा लागला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com