अमरावतीत आणखी चार नवीन रुग्ण; एकूण कोरोनाबधित 263

अमरावरी : नागपूर व अकोल्यात कोरोना रुग्णांची संख्या दिवसेंदिवस वाढतच आहे. पहिल्या क्रमांकावर कोण राहणार जणू यासाठी त्यांचा संघर्ष सुरू आहे. नागपूर व अकोला कोरोनासाठी हॉटस्पॉट ठरले आहेत. आता यात अमरावती सहभागी होतो की काय, अशीच स्थिती निर्माण झाली आहे. येथे रुग्णांची संख्या दिवसेंदिवस वाढतच आहे. अमरावतीत शुक्रवारी सकाळी चार नवे रुग्ण आढळून आलेत. यामुळे एकूण कोरोनाबाधितांची संख्या 263 झाली आहे. 

प्राप्त माहितीनुसार, शुक्रवारी सकाळी आलेल्या अहवालात फ्रेझरपुरा येथील 35 वर्षीय महिला, रुक्‍मिणीनगर येथील 23 वर्षीय महिला, गेट वे लाईफ हॉस्पिटलमधील 52 वर्षी पुरुष व औरंगपुरा येथील 22 वर्षीय महिलेचा कोरोनाबाधितांमध्ये समावेश आहे. ही बाब चिंता वाढवणारी ठरणारी आहे.

क्लिक करा - नववी ते बारावीच्या वर्गांबाबत शिक्षण संस्था मंडळाने दिली महत्त्वाची सूचना...

सोमवारी सकाळी जिल्ह्यातील आठ जणांचे कोरोना रिपोर्ट पॉझिटिव्ह आढळून आले होते. यात दसरा मैदान, बुधवारा, चेतनदास बगीचा, मसान गंज व काकडा (ता. अचलपूर) येथील सहा पुरुषांचा तर बुधबारा येथील दोन महिलांचा यात समावेश होता. काकडा येथील व्यक्ती मुंबई येथून 21 मे रोजी परतला होता. तो परतल्यापासून संस्थात्मक विलगीकरणात आहेत. त्याला ताप आल्याने अमरावती येथे रेफर करण्यात आले. त्याचा स्वॅब घेण्यात आला आहे. दरम्यान, याबाबत संपर्क शोध व इतर तपास होत आहे. 

विदर्भातील रुग्णांची वाढती संख्या प्रशासनासाठी चिंता वाढवणारी ठरणारी आहे. आजवर यवतमाळ आणि अमरावतीत रुग्णांची संख्या कमी होती. मात्र, येथे अचानक रुग्णांच्या संख्येत वाढ झाल्याने चिंता व्यक्‍त करण्यात येत आहे. तसेच नागपुरातही मे महिन्यात सर्वाधिक रुग्णांचा मृत्यू झाला आहे. अचानक वाढलेल्या मृत्यूमुळेही नागपुरात चिंता वाढली आहे. दुसरीकडे अमरावतीत नागपूरच्या तुलनेत जास्त मृत्यू झाले आहे. आता येथील रुग्णांच्या संख्येतही वाढ होत आहे. यामुळे अमरावती नागपूरची बरोबरी करणार का, असा प्रश्‍न निर्माण झाला आहे.