संग्रामपूर : सातपुडा पर्वताच्या पायथ्याशी वसलेल्या सोनाळा परिसरात अनेक वर्षांपासून दर्जेदार संत्रा उत्पादन घेतले जात आहे. मध्यंतरी काही वर्षे संत्रा बागा नैसर्गिक आपत्ती, कीड-रोगांना सामोरे जात असल्याने उत्पादनात प्रचंड घट सुद्धा आली. मात्र याच भागातून गेल्या काही वर्षांपासून वाळलेला संत्रासुद्धा विदेशात निर्यात होत आहे. या माध्यमातून संत्रा उत्पादकांना आर्थिक फायदा होऊ लागला आहे.
