झरी जामणी (जि. यवतमाळ) : विजेच्या धक्‍क्‍याने ११ वर्षीय बालिकेचा मृत्यू झाल्याची धक्कादायक घटना तालुक्‍यातील अडेगाव येथे शुक्रवारी (ता. २६) घडली. श्रुती किशोर थाटे असे मृत बालिकेचे नाव आहे.
श्रुती ही सहाव्या वर्गातील विद्यार्थिनी असून, सकाळी ती शिकवणीवर्गाला गेली होती. त्यानंतर ९ वाजता ती परत घरी आली. आईला मदत होईल म्हणून ती कपडे धुऊन सुकविण्यासाठी अंगणात असलेल्या तारांकडे गेली. कपडे तारेवर टाकताच तिला विजेचा जोरदार धक्का बसला.
हा प्रकार लक्षात येताच तिला प्रथम मुकुटबन येथील ग्रामीण रुग्णालयात नेण्यात आले. परंतु, तिची प्रकृती गंभीर असल्याने पुढील उपचारासाठी वणीच्या ग्रामीण रुग्णालयात दाखल करण्याचा सल्ला डॉक्टरांनी दिला. वणी येथील ग्रामीण रुग्णालयात दाखल केले असता तेथील डॉक्टरांनी तिला मृत घोषित केले.
घटनेची अधिक माहिती घेतली असता श्रुतीच्या घरावरून विद्युत महामंडळाची विद्युत लाईन गेलेली आहे. ती लाईन काढण्याची मागणी केली होती. परंतु, ती काढण्यात आली नाही. त्यामुळे घरावरील टीन पत्र्याच्या अँगलला बांधून असलेल्या तारांमध्ये वीज प्रवाह आला. अंगणात असलेल्या तारांवर कपडे टाकताच श्रुतीला विजेचा धक्का बसला, असे तिच्या नातेवाइकांनी सांगितले. या घटनेचा तपास पोलिस करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.