esakal | ग्रामपंचायतीच्या निवडणुका पुन्हा लांबणार? इच्छुकांना करावी लागणार प्रतिक्षा
sakal

बोलून बातमी शोधा

grampanchayat election may be postponed again if corona cases increases in amravati

अनलॉकमध्ये दिवाळीपूर्वी संक्रमणाची स्थिती नियंत्रणात वाटू लागली. त्यामुळे रखडलेल्या ग्रामपंचायतीच्या निवडणुका घेण्याचे नियोजन सुरू करण्यात आले. 25 सप्टेंबरला तयार झालेली मतदारयादी मतदानासाठी ग्राह्य मानण्यात येणार असून प्रभागनिहाय प्रारूप मतदार यादी 1 डिसेंबरला प्रसिद्ध करण्यात येणार आहे.

ग्रामपंचायतीच्या निवडणुका पुन्हा लांबणार? इच्छुकांना करावी लागणार प्रतिक्षा

sakal_logo
By
कृष्णा लोखंडे

अमरावती : कोरोना संक्रमणामुळे रखडलेल्या ग्राम पंचायतीच्या निवडणुकांचे पडघम पुढील वर्षी फेब्रुवारीत वाजण्याचे संकेत आहेत. राज्य निवडणूक आयोगाने नियोजनास सुरुवात केल्याची माहिती आहे. अमरावती जिल्ह्यातील 526 ग्रामपंचायतींच्या निवडणुका प्रस्तावित आहेत. मात्र, या निवडणुकांचे भवितव्य कोरोना संक्रमणाच्या दुसऱ्या लाटेवर अवलंबून आहे. रुग्णसंख्या वाढल्यास पुन्हा त्या रखडण्याची शक्‍यता नाकारता येत नाही.

हेही वाचा - विनाअनुदानित शिक्षकांची आक्रमक भूमिका, उमेदवारांना मनधरणी करण्यात मिळणार का यश?

मार्च व एप्रिल महिन्यात मुदत संपणाऱ्या जिल्ह्यातील 526 ग्रामपंचायतीच्या निवडणुकांची तयारी झाली होती. इच्छुकांकडून नामनिदेर्शन दाखल करण्यात आले होते. दरम्यान, 24 मार्चला शासनाने कोरोना संक्रमणाच्या पार्श्‍वभूमिवर लॉकडाउन लागू केले व निवडणुका अनिश्‍चित काळासाठी पुढे ढकलण्यात आल्या. शासनाने मुदत संपलेल्या ग्राम पंचायतींचे सदस्य मंडळ बरखास्त करून तेथे प्रशासकाची नियुक्ती केली. प्रशासकांच्या नियुक्तीचाही वाद या कालावधीत बराच रंगला.

हेही वाचा - पायविहिरच्या जंगलात वाघिणीची 'एन्ट्री', पाऊलखुणांवरून पटली खात्री

अनलॉकमध्ये दिवाळीपूर्वी संक्रमणाची स्थिती नियंत्रणात वाटू लागली. त्यामुळे रखडलेल्या ग्रामपंचायतीच्या निवडणुका घेण्याचे नियोजन सुरू करण्यात आले. 25 सप्टेंबरला तयार झालेली मतदारयादी मतदानासाठी ग्राह्य मानण्यात येणार असून प्रभागनिहाय प्रारूप मतदार यादी 1 डिसेंबरला प्रसिद्ध करण्यात येणार आहे. त्यावर हरकती व सूचना आल्यानंतर सुधारित व अंतिम मतदार यादी 10 डिसेंबरला प्रसिद्ध करण्यात येणार आहे.

हेही वाचा - मध्यरात्री गावकरी शांत झोपले असताना झाली हालचाल; येऊन...

अमरावती जिल्ह्यात 526 ग्रामपंचायतीच्या निवडणुका प्रस्तावित असून 1972 प्रभाग आहेत. 5 हजार 319 सदस्यांची निवड करण्यात येणार आहे. 14 लाख 43 हजार 363 मतदार जिल्हा प्रशासनाने तयार केलेल्या यादीत आहेत. त्यामध्ये सुधारणा होण्याची शक्‍यता आहे.

हेही वाचा - ग्राहकांनो, यंदा मिळणार नाही तिबेटियन स्वेटर, कोरोनाने...

निवडणूक आयोगाने निवडणुकांचे संकेत दिल्याने ग्रामपंचायतींमध्ये निवडणुकांची लगबग पुन्हा एकदा सुरू होणार आहे. अतिशय अटीतटीच्या होणाऱ्या या निवडणुकांचे भवितव्य मात्र कोरोना संक्रमणाच्या दुसऱ्या लाटेवर अवलंबून आहे. 
 

loading image